INDIAN ARMY / જવાનો માટે નવો યુનિફોર્મ લાવી શકે છે ભારતીય સેના, જાણો કેવો હશે નવો યુનિફોર્મ

• ભારતીય સેનાનો નવો યુનિફોર્મ 
• આવતા વર્ષે 15 જાન્યુઆરીએ આર્મી ડે પરેડમાં પ્રદર્શિત થઈ શકે
• કેમોફલાજનું સ્થાન લેશે નવો યુનિફોર્મ 

ટૂંક સમયમાં તમે ભારતીય સેનાને નવા યુનિફોર્મમાં જોઈ શકશો. સેના ટૂંક સમયમાં જ તેના જવાનો માટે નવો યુનિફોર્મ રજૂ કરી શકે છે. એવું કહેવામાં આવી રહ્યું છે કે સૈનિકો માટે જે નવો યુનિફોર્મ રજૂ કરવામાં આવી રહ્યો છે તે ઘણી રીતે અલગ અને આરામદાયક હશે. નવો યુનિફોર્મ હળવો અને વધુ ક્લાઈમેટ ફ્રેન્ડલી હશે. નવો યુનિફોર્મ આર્મીના હાલના કેમોફલાજ ( camouflage ) યુનિફોર્મનું સ્થાન લેશે. તે આવતા વર્ષે 15 જાન્યુઆરીએ આર્મી ડે પરેડમાં પ્રદર્શિત થઈ શકે છે.

લાંબી ચર્ચા પછી યુનિફોર્મ તૈયાર કર્યો
મળતી માહિતી અનુસાર, સેના દ્વારા જે નવો યુનિફોર્મ રજૂ કરવામાં આવી રહ્યો છે તે ડિજિટલ ડિસપ્ટિવ પેટર્ન પર આધારિત હશે. મળતી માહિતી મુજબ આ યુનિફોર્મની ડિઝાઈન લાંબી ચર્ચા બાદ તૈયાર કરવામાં આવી છે. જેમાં ઘણા દેશોના સૈન્ય યુનિફોર્મને ધ્યાનમાં રાખીને વિશ્લેષણ બાદ નવા યુનિફોર્મને અંતિમ સ્વરૂપ આપવામાં આવ્યું છે.

દરેક હવામાનમાં આરામદાયક રહેશે
સત્તાવાર નિવેદનો અનુસાર, નવો યુનિફોર્મ વધુ ટકાઉ તેમજ ઉનાળા અને શિયાળા બંને ઋતુમાં આરામદાયક હશે. નવા યુનિફોર્મમાં આવા ઘણા રંગોનો ઉપયોગ કરવામાં આવ્યો છે જે સૈનિકોને છુપાવવામાં મદદ કરશે. આમાં ઓલિવ અને માટીનો રંગ જોઈ શકાય છે. નવા યુનિફોર્મને સૈનિકોની તૈનાતના ભૂપ્રદેશ અને આબોહવાની પરિસ્થિતિઓને ધ્યાનમાં રાખીને ડિઝાઇન કરવામાં આવી છે.

નૌકાદળે ગયા વર્ષે

દેશની નૌકાદળે ગયા વર્ષે તેના સૈનિકો માટે નવો કેમોફ્લાજ યુનિફોર્મ લાગુ કર્યો છે. તેમાં તેના આછા વાદળી રંગના હાફ શર્ટ અને નેવી બ્લુ ટ્રાઉઝર બદલ્યા. આર્મી, નેવી અને એરફોર્સ પાસે અલગ-અલગ પ્રસંગોએ પહેરવા માટે અલગ-અલગ યુનિફોર્મ હોય છે.