ભારતીય સેનાએ રાજસ્થાનના પોખરણ ફીલ્ડ ફાયરિંગ રેન્જમાં ત્રીજી પેઢીની એન્ટી ટેંક ગાઇડેડ મિસાઇલ 'નાગ'નું સફળતાપૂર્વક પરીક્ષણ કર્યું છે. આ મિસાઇલને ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (DRDO)એ વિકસિત કરી છે. આ મિસાઇલના પરીક્ષણની શ્રેણી 7થી 18 જુલાઇ વચ્ચે કરવામાં આવી. રક્ષાપ્રધાન રાજનાથસિંહે સફળ પરીક્ષણના સમાપન માટે ડીઆરડીઓને શુભેચ્છા પાઠવી છે.
સેનાના સૂત્રોના જણાવ્યા અનુસાર આ એન્ટી ટેન્ક ગાઇડેડ મિસાઇલે પોતાના ડમી ટારેગટ પર અચૂક નિશાન સાધ્યું છે. ફાયર એન્ડ ફોરગેટ સિસ્ટમ પર કરનારી આ મિસાઇલનું 7 જુલાઇથી થારના રણમાં પરીક્ષણ કરવામાં આવ્યું. સતત 12 દિવસ સુધી દિવસ-રાત આ મિસાઇલ પોતાના અચૂક નિશાનને સાધવામાં સફળ રહી છે.
આ 'નાગ' મિસાઇલનો જલ્દી ભારતીય સેનામાં સમાવેશ કરવામાં આવશે. આ મિસાઇલ 500 મીટરથી લઇને 4 કિલોમીટર સુધી દુશ્મનના ટેન્કને તોપથી ઉડાવી શકશે. ફાયર એન્ડ ફોરગેટ સિસ્ટમ પર કામ કરનારી આ મિસાઇલ ઇન્ફ્રારેડ સિસ્ટમ પર કામ કરે છે.
મિસાઇલનું લક્ષ્ય નક્કી કરી દેવાયા બાદ તે તેના તરફ આગળ વધતી રહે છે. આ મિસાઇલને નેમિકા નામના મિસાઇલ લોન્ચરથી ફાયર કરવામાં આવે છે. એક વખતના ફાયરમાં આ લોન્ચર છ મિસાઇલ ફાયર કરી શકે છે.
ભારતીય સેના 8 હજાર નાગ મિસાલ ખરીદે તેવી શક્યતા છે જેમાં 500 મિસાઇલનો ઓર્ડર પ્રારંભમાં આપવાની સંભાવના છે. નાગ મિસાઇલનું નિર્માણ ભારતમાં મિસાઇલ બનાવનારી એક માત્ર કંપની ભારત ડાયનામિક્સ લિમિટેડ કરશે.
મિસાઇલની ખાસિયત...
નાગ મિસાઇલ યુધ્ધમાં દુશ્મનના ટેન્કને ચાર કીમી દૂરથી ધ્વસ્ત કરી શકે છે
રાતના અંધારામાં પણ પોતાના ટાર્ગેટને નષ્ટ કરી શકે છે
આ મિસાઇલ થર્મલ ટારગેટ સિસ્ટમ ટેકનીક પર કામ કરે છે
મિસાઇલનું વજન 93 પૌંડ એટલે કે 42 કિલો છે
તેની લંબાઇ 6 ફૂટ 3 ઇંચ એટલે કે 1.90 મીટર છે
મિસાઇલનો વ્યાસ 190 MM એટલે કે 7.5 ઇંચ છે
મિસાઇલની સ્પીડ 230 M/S છે
તેની રેન્જ 500 મીટરથી 4 કિમી સુધી હશે
#WATCH: NAG, the DRDO’s indigenously developed 3rd Generation Anti-Tank Guided Missile (ATGM) has successfully undergone a series of summer trials at Pokhran field firing ranges carried out by the Indian Army from 7-18 July 2019. pic.twitter.com/YITIjKnIhA