ઇન્ડિયન આર્મી (Indian Army) દ્વારા ગુજરાતના સૌરાષ્ટ્ર-કચ્છને બાદ કરતા 21 જિલ્લાઓ સહિત 2 કેન્દ્ર શાસિત રાજ્યો માટે આર્મીના અલગ-અલગ ટ્રેડ્સ માટે યુવાઓની ભરતી કરવામાં આવી રહી છે. ત્યારે આ ભરતીની સમગ્ર સિસ્ટમ પારદર્શિતા સાથે યોજાઇ તે માટે ઓનલાઇન રજિસ્ટ્રેશન રાખવામાં આવ્યું છે.
ઉમેદવારો 29 જૂનથી 12 ઓગસ્ટ સુધી વેબસાઇટ WWW.JOININDIANARMY.NIC.IN પર ઓનલાઇન અરજી કરી શકશે. ભરતી માટે રેલી 28 ઓગસ્ટથી 9 સપ્ટેમ્બર સુધી સાબરકાંઠા જિલ્લાના હિંમતનગરના સાબર સ્પોર્ટસ સ્ટેડિયમ ખાતે યોજાશે.