પ્રતિબંધ / ભારતીય સેનાના તમામ જવાનોને ફોનમાંથી આ 89 એપ્સ તાત્કાલિક ડિલીટ કરવાના આદેશ

• ભારતીય સેનામાં 89 એપ્સ પર પ્રતિબંધ
• યાદીમાં ટિકટોક જેવી ચાઈનીઝ એપથી લઇ ફેસબુક, ઇન્સ્ટાગ્રામ પણ સામેલ
• આ તમામ એપ્સ પર માહિતી ચોરવાની શંકા

સેના તરફથી જાહેર કરવામાં આવેલ યાદીમાં ટિકટોક જેવી ચાઈનીઝ એપથી લઇને ફેસબુક, ઇન્સ્ટાગ્રામ, ટ્રૂકોલર જેવા બીજી જાણીતી વિદેશી એપ પણ સામેલ છે. એટલું જ નહીં, સૈન્ય કર્મચારીઓને હવે પોતાના સ્માર્ટફોનથીટિંડર અને કૂચ સર્ફિંક જેવી એપ પણ ડિલીટ કરવી પડશે. તેની સાથે જ, ડેલી હંટ જેવી ન્યૂઝ એપને તાત્કાલિત ડિલીટ કરવા કહેવામાં આવ્યું છે.

ફેસબુકથી લઇને ટિંડર સુધીની એપ છે યાદીમાં

જોકે, સેનાએ એજ એપથી દૂર રહેવાના આદેશ આપ્યા છે જેના પર ક્યારેક પર્સનલ ડેટા ચોરીના આરોપ લાગ્યા છે. પછી ભલે દુનિયાભરમાં અતિ લોકપ્રિય સોશ્યલ મીડિયા એપ ફેસબુક પણ કેમ ના હોય. 2018માં કૈંબ્રિઝ એનાલિટિકા કેસનો રહસ્યોદ્ધાટન તો યાદ જ હશે. બ્રિટેનની આ પોલિટીકલી કન્સલ્ટિંગ કંપનીએ એમ કહીને સમગ્ર દુનિયામાં ખળભળાટ મચાવી દીધો હતો કે ફેસબુકે પોતાના 8 કરોડ 70 લાખ યૂઝર્સનો ખાનગી ડેટા અયોગ્ય રીતે શેર કર્યો.

Army personnel have also been asked to delete dating apps such as Tinder, Couch Surfing along with news apps like Daily Hunt in the instructions issued recently: Indian Army Sources https://t.co/NerjcBCZbO

— ANI (@ANI) July 8, 2020

આ તમામ એપ્સ પર માહિતી ચોરવાની શંકા

એક તરફ જ્યારે ચીન પર અલગ અલગ એપ્સ દ્વારા અલગ અલગ દેશોની અતિ ઉપયોગી માહિતી ચોરવાનો આરોપ લાગી રહ્યો છે. તેના કારણે ભારતમાં પણ ટિકટોક સહિત કુલ 50 ચીની એપને ભારતમાં પ્રતિબંધિત કરવા જેવા મહત્વના નિર્ણય લેવાયા છે. ભારત સરકારના નિર્ણય બાદ આ એપ્સને ગૂગલ પ્લે સ્ટોર પરથી પણ હટાવી દેવામાં આવી છે. જોકે, જે સ્માર્ટફોનમાં આ એપ પહેલાથી હતી તેમાં આ કામ કરી રહેશે. એટલા માટે, સેનાને પોતાના વિભાગથી જોડાયેલા તમામ કર્મચારીઓને આવી એપ્સને તાત્કાલિક ડિલીટ કરવાના આદેશ આપવા પડ્યા.