ભારતીય સેનાએ મિલિટ્રી નર્સિંગ સર્વિસ (MNS)ની ભરતી માટે નોટીફીકેશન જાહેર કર્યું છે. આ ભરતી 4 વર્ષના BSC નર્સિંગ કોર્સના માધ્યમથી કરવામાં આવે છે. આ વર્ષે મિલિટ્રી નર્સિંગ કોર્સેસના ઈચ્છુક ઉમેદવારોને NEET UG 2022 પરીક્ષા આપવી પડશે.
સેનાએ મિલિટ્રી નર્સિંગ સર્વિસની ભરતી માટે નોટીફીકેશન જાહેર કર્યું
આ ભરતી માટે મહિલા ઉમેદવાર અરજી આપી શકે છે
અરજી કરનારા ઉમેદવાર 12 પાસ હોવા જોઈએ
નર્સિંગની 4 વર્ષની ટ્રેનિંગ પુરી થયા પછી ઉમેદવારોને મિલિટ્રી નર્સિંગ સર્વિસમાં પરમેંન્ટ અથવા શોર્ટ સર્વિસ કમીશનના આધાર પર નિયુક્તિ મળશે. મહત્વની વાત એ છે કે આ ભરતી માટે મહિલા ઉમેદવાર અરજી આપી શકે છે. પરિણીત મહિલાઓ અરજી કરી શકશે નહીં. આ વિશે વધુ જાણકારી માટે તમે સેનાની વેબસાઈટ joinindianarmy.nic.in પર જઈને નોટીફીકેશન જોઈ શકો છો.
ભરતીની મહત્વપૂર્ણ તારીખો
મિલિટ્રી નર્સિંગ સર્વિસ માટે ઓનલાઈન અરજી 11 મે 2022થી શરૂ થઈ જશે. યોગ્ય ઉમેદવાર 31 મે 2022 સુધી અરજી કરી શકશે. NEET UG પરીક્ષાના પરિણામ જાહેર થયા પછી કોમ્પ્યુટર બેઝ્ડ ટેસ્ટ (CBT) અને ઈન્ટરવ્યુની તારીખોનું એલાન કરવામાં આવશે.
જરૂરી યોગ્યતા અને વય મર્યાદા
આ પદો પર અરજી કરનારા ઉમેદવાર ફિઝિક્સ, કેમિસ્ટ્રી, બાયોલોજી કે અંગ્રેજી વિષયોની સાથે 12 પાસ હોવા જોઈએ. આ બધા વિષયોમાં વિધાર્થીઓને ઓછામાં ઓછા 50 ટકા હોવા અનિવાર્ય છે. અરજી આપનારનો જન્મ 1 ઓક્ટોબર 1997 અને 30 સપ્ટેંબર 2005ની વચ્ચે હોવા જોઈએ. આ વિશે વધુ જાણકારી માટે તમે સત્તાવાર વેબસાઈટ joinindianarmy.nic.in પર મુલાકાત લઈ શકો છો.
આ રીતે થશે નિમણુંક
નીટ (યુજી) સ્કોરના મેરીટના આધારે શોર્ટલિસ્ટ કરવામાં આવેલ ઉમેદવારોને ઓબ્જેક્ટીવ કંપ્યુટર બેઝ્ડ ટેસ્ટ (CBT) માટે બોલાવવામાં આવશે. જેમાં 80 ગુણનું પેપર હશે, જેમાં સામાન્ય બૂદ્ધિ તર્કશક્તિ અને સામાન્ય અંગ્રેજીના પ્રશ્નો હોય છે, તેના પછી મનોવૈજ્ઞાનિક મુલ્યાકંન પરીક્ષા (PAT) હશે. પછી ઈંટરવ્યુ અને છેલ્લે મેડિકલ એક્જામિનેશન લેવામાં આવશે. આ બધા તબક્કામાંથી પસાર થનાર ઉમેદવારોની નિમણુંક કરવામાં આવશે.