સલામ / ભારતીય સેનાએ લીધો 40 જવાનોની શહીદીનો બદલો, જૈશના આ ખૂંખાર આતંકીને ફૂંકી માર્યો

• દક્ષિણી કશ્મીરમાં બે આતંકીઓ ઠાર 
• એમાંથી એક આતંકી મસૂદ આઝહરનો ભત્રીજો હતો 
• આઇઇડિ એક્સપર્ટ હતો આતંકી લંબુ 

જમ્મુ કશ્મીરના અવંતીપોરામાં ભારતીય સેના અને પોલીસ કરેલ એક જોઇન્ટ ઓપરેશનમાં જવાનોને મોટી સફળતા મળી હતી. સેના દ્વારા દક્ષિણી કશ્મીરના અવંતીપોરામાં બે આતંકીઓનું ઢીમ ઢળી દેવામાં આવ્યું હતું. 

પુલવામાં હુમલાનો આરોપી 
માર્યા ગયેલા બે આતંકીઓ પૈકી એક આતંકી ઈસ્માઈલ લંબુ  લથપોરા પુલવામાં હુમલાના કાવતરાંમાં પણ લંબુ સામેલ હતો. આ કારણે NIA ની ચાર્જશીટમાં પણ તેનું નામ સામેલ હતું. 

મસૂદ અઝહરનો ભત્રીજો હતો 
ઠાર કરવામાં આવેલ આતંકી મોહમ્મદ ઈસ્માઈલ કાશ્મીરમાં જૈશ એ મહોમ્મદનો કમાન્ડર હતો. વધુમાં તે સંસદ પર હુમલાના આરોપી મસૂદ આઝહરનો ભત્રીજો હોવાનું સામે આવ્યું હતું. તે બહાવલપુરના કોસાર કોલોનીમાં રહેતો હતો. પુલવામાંમાં 2019 અને 2020 માં થયેલ હુમલાઓમાં તે શામેલ હતો અને સુરક્ષાદળોની રડાર હેઠળ જ હતો. 

આઈઇડી એક્સપર્ટ હતો લંબુ 
મોહમ્મદ ઈસ્માઈલનું સાચું નામ અબુ સૈફુલ્લાહ છે. આ સિવાય તે અદનાન અને લંબુ નામે પણ જાણીતો છે. તેનો જન્મ પાકિસ્તાનમાં થયો હતો અને આતંકી સંગઠનોની દેખરેખ હેઠળ જ તે મોટો થયો હતો. 2017 માં ભારતમાં ઘૂસણખોરી કરીને તે અવંતીપોરા, પુલવામાં અને અનંતનાગમાં આતંકી ગતિવિધિઓને અંજામ આપતો હતો.  
2019માં આતંકી હુમલામાં ભારતના 40 સીઆરપીએફ જવાનો શહીદ થયા હતા. આ હુમલામાં પણ આઇઇડિનો ઉપયોગ કરવામાં આવ્યો હતો. અબુ પોતે આઇઇડિ એક્સપર્ટ હતો. 

ત્રાલમાં પણ આતંકી ગતિવિધિ કરવાનો પ્રયાસ 
મોહમ્મદ ઈસ્માઈલ ત્રાલના નેશનલ હાઇવે વિસ્તારમાં પોતાના સાગરીત સમીર અહમદ ડાર સાથે મળીને મોટો હુમલો કરવાની ફિરાકમાં હતો. સમીર અહમદ ડાર પુલવામાંના કાકાપોરામાં રહેતો હતો. મોહમ્મદ ઈસ્માઈલ ભારત માટે ખુંખાર વોન્ટેડ આતંકી હતો. 2020 માં એક એન્કાઉન્ટરમાં તે બચીને ભાગી જવામાં સફળ રહ્યો હતો. આ દરમિયાન એક જવાન પણ ઘાયલ થયો હતો.