જડબાતોડ જવાબ / પાકિસ્તાનના 6થી 10 સૈનિક માર્યા, 3 કેમ્પ નષ્ટ કર્યા, કેટલાક આતંકવાદીઓ ઠારઃ સેનાધ્યક્ષ

• સરહદ પારથી અમારી પોસ્ટ પર પણ ફાયરિંગ થયું હતું
• 6થી 10 પાકિસ્તાની સૈનિકો માર્યા ગયા છે: આર્મી ચીફ
• અનેક આતંકીઓનો સફાયો સેનાએ કર્યો છે: આર્મી ચીફ

PoKમાં આતંકીઓના અડ્ડા પર કાર્યવાહી કરવાને લઇ આર્મી ચીફ જનરલ બિપિન રાવતે કહ્યું કે આ એક્શનમાં 6થી 10 પાકિસ્તાની સૈનિક ઠાર મરાયા છે અને કેટલાક આતંકીઓને પણ ઢેર કરી દીધા છે. અથમુકમ, જૂરા, કુંદલશાહીમાં અમે આતંકી કેમ્પોને નિશાન બનાવ્યા અને ઘૂસણખોરી રોકવા માટે એક્શન લીધું. કલમ 370 દૂર થયા બાદ અમને સતત ઘૂસણખોરીના ઇનપુટ મળી રહ્યાં હતા.

આર્મી ચીફે કહ્યું કે, પાકિસ્તાનના એક્શનથી બહુ મોટું હશે અમારૂ રિએક્શન. આતંકવાદી ઘૂસણખોરી માટે નવા નવા રસ્તાઓ અપનાવી રહ્યા છે પરંતુ અમે તેમનો મુકાબલો કરવા માટે સમગ્ર રીતે તૈયારી છીએ.

#WATCH Army Chief General Bipin Rawat on Indian Army used artillery guns to target terrorist camps in PoK: On the basis of reports that we have been getting, 6-10 Pakistani soldiers have been killed, 3 camps have been destroyed. Similar no. of terrorists have also been killed... pic.twitter.com/a19gOD90Ab

— ANI (@ANI) October 20, 2019

બિપિન રાવતે કહ્યું કે, ગત થોડા મહિનાઓમાં પાકિસ્તાન તરફથી ઘૂસણખોરીની કેટલીક ઘટનાઓ સામે આવી છે. અમારી પાસે જરૂરી સૂચના હતી કે આતંકવાદીઓ ઘૂસણખોરીના પ્રયત્નો કરી રહ્યા છે, જ્યાર બાદ આ એક્શન લેવામાં આવ્યો અને પાકિસ્તાનને જડબાતોડ જવાબ આપવામાં આવ્યો.

મહત્વનું છે કે, જમ્મૂ કાશ્મીરના તંગઘાર સેક્ટરમાં પાકિસ્તાનની ગોળીબાર બાદ ભારતીય સેનાની જવાબી કાર્યવાહીને ધ્યાનમાં રાખીને રક્ષા મંત્રાલય પણ એલર્ટ છે. રક્ષા મંત્રી રાજનાથ સિંહ સ્થિતિ પર સતત સેના પ્રમુથ જનરલ બિપિનવ રાવત સાથે સંપર્કમાં છે. નોંધનીય છે કે પાકિસ્તાને ફાયરિંગની આડમાં આતંકીઓને ઘૂસણખોરી એવા સમયે કરી હતી જ્યારે સોમવારે રક્ષા મંત્રી અને આર્મી ચીફ લદ્દાખ પ્રવાસ પર જવાના છે.