જમ્મુ-કાશ્મીરમાં લાઇન ઓફ કંટ્રોલ (એલઓસી) પર આતંકવાદીઓની ઘૂસણખોરી અને પાકિસ્તાની સેના દ્વારા વારંવાર કરવામાં આવતા યુદ્ધવિરામ ભંગ સાથે સતત લડી રહેલી ભારતીય સેનાની તાકાત હવે વધી ગઈ છે. આધુનિકીકરણ પ્રક્રિયાના ભાગ રૂપે ભારતીય સેનાને 10 હજાર અમેરિકન સિગ સઉર રાઈફલનો પહેલો જથ્થો મળવાનું શરૂ થઈ ગયું છે. ઉલ્લેખનીય છે કે, ભારતે પોતાના ફ્રન્ટ લાઈન પર તહેનાત સૈનિકોને અત્યાધુનિક હથિયારો અને ટેક્નોલોજીથી સજ્જ કરવા માટે ફાસ્ટ ટ્રેક પ્રક્રિયા અંતર્ગત 72,400 સિગ સઉર રાઈફલનો ઑર્ડર આપ્યો છે.
ભારતીય સેનાએ તેની સ્નાઈપર રાઈફલ્સ માટે દારૂગોળાની સપ્લાય પણ શરૂ કરી દીધી છે
ભારતીય સેનાને મળી અમેરિકન અસૉલ્ટ રાઈફલ જમ્મુ-કાશ્મીરમાં આતંકીઓનો ‘કાળ’ બની ત્રાટકશે
ભારતે અમેરિકા સાથે 700 કરોડ રૂપિયાની રાઈફલ્સની ડીલ કરી હતી
ભારતીય સેનાએ તેની સ્નાઈપર રાઈફલ્સ માટે દારૂગોળાની સપ્લાય પણ શરૂ કરી દીધી છે
સેનાના ઉચ્ચસ્તરીય સૂત્રોના જણાવ્યા અનુસાર, ભારતીય સેનાએ તેની સ્નાઈપર રાઈફલ્સ માટે દારૂગોળાની સપ્લાય પણ શરૂ કરી દીધી છે. એક અધિકારીના કહેવા પ્રમાણે, 21 લાખથી વધુ રાઉન્ડનો ઑર્ડર આપી દેવામાં આવ્યો છે. પ્રથમ જથ્થામાં 10 હજાર SiG 716 અસૉલ્ટ રાઈફલ્સ ભારત પહોંચાડવામાં આવી છે. આ તમામ રાઈફલ નોર્ધન કમાન્ડને મોકલી દેવામાં આવી છે. આ કમાન્ડ જમ્મુ-કાશ્મીરમાં કાઉન્ટર ટેરરિસ્ટ ઑપરેશનની જવાબદારી સંભાળે છે. એટલું જ નહીં, આ કમાન્ડ પાકિસ્તાનમાં તાલીમ લઈને આવેલા કે લઈ રહેલા આતંકીઓ અને પાકિસ્તાનના કબજા હેઠળના કાશ્મીર (પીઓકે)માંથી થતી ઘુસણખોરીને રોકવાનું કામ પણ કરે છે.
અત્યાધુનિક રાઈફલ્સનો ઉપયોગ જમ્મુ-કાશ્મીરમાં આતંક વિરોધી અભિયાનોમાં કરવામાં આવશે
સૂત્રોએ જણાવ્યું છે કે, આ અત્યાધુનિક રાઈફલ્સનો ઉપયોગ જમ્મુ-કાશ્મીરમાં આતંક વિરોધી અભિયાનોમાં કરવામાં આવશે. આ રાઈફલ્સ આતંકીઓનો ‘કાળ’ બનીને ત્રાટકશે. ભારતે અમેરિકા સાથે 700 કરોડ રૂપિયાની રાઈફલ્સની ડીલ કરી હતી. આ ડીલ હેઠળ ભારતીય સેનાને અમેરિકા તરફથી 72,400 નવી અસૉલ્ટ રાઈફલ્સ મળવાની છે. આ રાઈફલ અમેરિકામાં બનાવવામાં આવે છે. ફાસ્ટ ટ્રેક પ્રૉક્યોરમેન્ટ (એફટીપી) હેઠળ આ રાઈફલ્સની સપ્લાય એક વર્ષની અંદર કરવાની છે.
અમેરિકા પાસેથી ખરીદવામાં આવનારી આ 72,400 રાઈફલ્સને ત્રણ ભાગમાં વહેંચવામાં આવશે
અમેરિકા પાસેથી ખરીદવામાં આવનારી આ 72,400 રાઈફલ્સને ત્રણ ભાગમાં વહેંચવામાં આવશે. તેમાંથી 66 હજાર રાઈફલ્સ ભારતીય સેનાને, જ્યારે 2000 રાઈફલ નૌસેના (નેવી) અને 4૦૦૦ ભારતીય વાયુસેના (ઈન્ડિયન એરફોર્સ)ને મળવાની છે. સિગ સઉર રાઈફલ્સ (SIG 716 7.62x51) ભારતમાં બનેલી 5.56x45 મીમીની ઈન્સાસ રાઈફલ્સનું સ્થાન લેશે. એટલું જ નહીં, ભારતીય સેનાને સાત લાખથી વધુ એકે-203 અસૉલ્ટ રાઈફલ્સ પણ મેળવવાની છે. તેનાથી ભારતીય સેનાની તાકાતમાં અભૂતપૂર્વ વધારો થશે. તેનું ઉત્પાદન ભારત અને રશિયાના સંયુક્ત સાહસ હેઠળ થઈ રહ્યું છે.