રિપોર્ટ / સિયાચીન-લદ્દાખમાં ફરજ બજાવતા જવાનોની હાલતને લઈને CAG રિપોર્ટમાં ચોંકાવનારો ખુલાસો

• રાજ્યસભામાં રજૂ કરવામાં આવ્યો કેગનો રિપોર્ટ 
• જવાનોને નથી મળી રહ્યું પૂરતું પોષણક્ષણ ભોજન
• સ્નો ગોગલ્સની સંખ્યામાં 62 ટકાથી 98 ટકાની અછત છે

કેગની રિપોર્ટમાં કહેવામાં આવ્યું છે કે, 'ઉંચાઇ વાળા ક્ષેત્રોમાં તહેનાત જવાનોને આપવામાં આવતા રોજિંદા ભોજનના પ્રમાણમાં ઘટાડો જોવા મળ્યો છે. જવાનોને જે ભોજન મળી રહ્યું છે તેમા કેલરી ઇનટેક 82 ટકા છે. આ ઉપરાંત સ્નો ગોગલ્સની સંખ્યામાં 62 ટકાથી 98 ટકાની અછત છે. 

આ રિપોર્ટને રાજ્યસભામાં રજૂ કરવામાં આવી છે. રિપોર્ટમાં કહેવામાં આવ્યું છે કે ઉંચા ક્ષેત્રોમાં સ્નો ગોગલ્સ સૌથી મહત્વપૂર્ણ સામાનમાંથી એક છે. પરંતુ તેની 62 ટકાથી 98 ટકા અછત છે. આ ઉપરાંત જવાનોને જુના બુટ, ફેસ માસ્ક, જેકેટ્સ અને સ્લીપિંગ બેગથી કામ ચલાવવું પડી રહ્યું છે. 

રિપોર્ટમાં કહેવામાં આવી રહ્યું છે કે, સૈનિકોને યોગ્ય ટેક્નોલોજી વાળા ઉત્પાદનોના ઉપયોગ કરવાના લાભોથી વંચિત રાખવામાં આવી રહ્યા છે. રિપોર્ટમાં આ અછત પાછળ ડિફેન્સ લેબોરેટરીઝ દ્વારા રિસર્ચ અને ડેવલપમેન્ટમાં ઘટાડાને કારણે આયાત પર સતત નિર્ભર રહેવું પડે છે. આ ઉપરાંત ઉંચાઇ પર તહેનાત જવાનો માટે તેમની દૈનિક ઉર્જાને પૂર્ણ કરવા માટે પુરતા અનાજની વ્યવસ્થાની જરૂર છે. સિચાચીનમાં ભારત અને પાકિસ્તાનના સૈનિક 13 વર્ષથી એક-બીજાની સામે તહેનાત છે. આ દુનિયાનું સૌથી ખર્ચાળ યુદ્ધ ક્ષેત્ર પણ માનવામાં આવે છે. 

અહીં દેશના જવાનોને જીવન જીવવા માટે માઇનસ ડિગ્રી તાપમાનમાં ઘણો સંઘર્ષ કરવો પડે છે. સિયાચીનમાં દુશ્મનના ખરાબ ઇરાદાઓને નિષ્ફળ બનાવવા માટે ભારતીય સેના હંમેશા તૈયાર રહે છે.