ભારતીય સેના દેશના સામાન્ય નાગરિકોને પણ આર્મીની ડ્યૂટી કરવાની તક આપવા ઇચ્છે છે. આર્મી સામાન્ય નાગરિકો માટે 3 વર્ષ ટૂર ઑફ ડ્યૂટીના પ્રસ્તાવ પર વિચાર કરી રહી છે.
જો આ પ્રસ્તાવને મંજૂરી મળી જશે તો દેશના ઇતિહાસમાં આ મોટું ક્રાંતિકારી પગલુ ગણવામાં આવશે. આર્મીના સૂત્રોનુસાર, ''એક પ્રસ્તાવ પર વિચાર કરવામાં આવી રહ્યો છે, જે અંતર્ગત સામાન્ય નાગરિકોને પણ દેશની સેવા માટે ફોર્સ જોઇને કરીને 3 વર્ષની ટૂર ઑફ ડ્યૂટીની તક મળી શકશે.''
ભારતીય સેના દેશના બેસ્ટ ટેલેન્ટને પોતાની ટીમમાં શામેલ કરવા માંગે છે. આ પ્રસ્તાવથી સેનાને એ હેતુ પૂરો કરવામાં સરળતા રહેશે. હાલના સમયમાં શોર્ટ સર્વિસ કમિશન દ્વારા સેના જોઇન કરનારાને ઓછામાં ઓછા 10 વર્ષની નોકરી કરવાની રહે છે. સેનામાં તેનાથી ઓછા સમયની ડ્યૂટીની જોગવાઇ હાલમાં નથી.
સૂત્રોનુસાર, ફોર્સના ઉચ્ચ અધિકારી શોર્ટ સર્વિસ કમિશનની જોગવાઇઓની પણ સમીક્ષા કરી રહ્યા છે, જેથી તેને યુવાનો માટે વધુ આકર્ષક બનાવી શકાય. ભારતીય સેનાને વર્ષોથી અધિકારીઓની અછત પડી રહી છે અને તેના માટે કમિશનમાં ફેરફારનું કામ જલ્દીથી જલ્દી કરવાનો ઇરાદો છે. શોર્ટ સર્વિસ કમિશનની શરૂઆત ઓછામાં ઓછી 5 વર્ષની સર્વિસથી થતો હોય, પરંતુ તેને વધુ આકર્ષક બનાવવા માટે વધારીને 10 વર્ષ કરી દેવાઇ હતી.