પુલ / સેનાએ ફરી બતાવ્યો દમ, લદ્દાખમાં બનાવ્યો એશિયાનો સૌથી ઉંચો પુલ

• ભારતીય સેનાએ લદ્દાખમાં એશિયાના સૌથી ઉંચા પુલનું નિર્માણ કર્યું
• ભારતીય સેનાએ બનાવેલા પુલે ચીનની ચિંતા વધારી દીધી
• ભારતીય સેનાએ 16000 ફુટની ઉંચાઇ પર આ પુલનું નિર્માણ કર્યું

હવે સરહદ પર સૈનિકો સુધી જરુરી સામાન અને હથિયારો સરળતાથી પહોંચી શકશે. આ કર્નલ ચેવાંગ રિનચેન બ્રિજનું ઉદઘાટન રક્ષામંત્રી રાજનાથ સિંહે દિવાળીના ચાર દિવસ પહેલા કર્યું હતું. તેઓ સેના પ્રમુખની સાથે લદ્દાખ પહોંચ્યા હતા અને નવનિર્માણધીન પુલ પર ચાલ્યા પણ હતા. 

નોંધનીય છે કે, ચીન બોર્ડ પર રોડ કનેક્ટિવિટી ન હોવાને કારણે ત્યાની ચોકીઓ સુધી સામાન પહોંચાડવામાં ઘણી સમસ્યાઓનો સામનો કરવો પડતો હતો.

સમુદ્ર સપાટીથી 16000 ફુટ છે ઉંચાઇ

ભારતીય સેનાએ 16000 ફુટની ઉંચાઇ પર આ પુલનું નિર્માણ કર્યું છે. આ પુલની લંબાઇ 1400 ફુટ છે. 70 ટન વજન સહન કરવાની ક્ષમતા રાખતા આ પુલના નિર્માણથી ભારતીય સેનાની તાકાત બેગણી થઇ જશે. નોંધનીય છે કે, ચીને બોર્ડર સુધી ખુદ રસ્તાઓનું નિર્માણ કરી લીધુ, રેલ લાઇન નાંખી, હવાઇ પટ્ટીઓનું નિર્માણ કરી લીધુ. પરંતુ ભારતને આમ કરવાથી રોકવાની કોશિશ કરી રહે છે. 

ભારતીય સેનાએ ચીનની ચેતવણીને બાજુ પર રાખતા અને આંખ બતાવતા આ પુલનું નિર્માણ કરાવ્યું. તેના કારણે સેનાના જવાન હવે પહેલા કરતા ઘણા ઓછા સમયમાં ચીન સરહદ સુધી પહોંચી શકશે. સાથે જ સેનાના મોટા-મોટા ટેન્ક પણ આ પુલના રસ્તે એલએસી સુધી જલ્દી જ પહોંચી શકે છે.