Paris Olympics / ભારતીય સેનાના ખેલાડીઓ લેશે પેરિસ રમતોમાં ભાગ, પહેલી વાર મહિલાઓ પણ થશે સામેલ

પેરિસ ઓલિમ્પિક 2024નું કાઉન્ટડાઉન શરૂ થઈ ગયું છે. પેરિસ ઓલિમ્પિક 26 જુલાઈથી શરૂ થશે અને 11 ઓગસ્ટે સમાપ્ત થશે. ગયા વર્ષે ભારતે ઓલિમ્પિકમાં પોતાનું સર્વશ્રેષ્ઠ પ્રદર્શન કર્યું હતું. ભારતે નીરજ ચોપરાના ગોલ્ડ મેડલ સહિત કુલ 7 મેડલ જીત્યા હતા. હવે એ જોવાનું રહ્યું કે આ વખતે ભારત કેટલા મેડલ જીતે છે.

ભારતીય ટુકડી પેરિસ ઓલિમ્પિક માટે સંપૂર્ણ રીતે તૈયાર છે અને ખેલાડીઓ ટોક્યો ઓલિમ્પિકમાંથી તેમના શ્રેષ્ઠ પ્રદર્શનને પાર કરવાનો પ્રયાસ કરશે. ભારતે પેરિસ ઓલિમ્પિકમાં 117 સભ્યોની ટુકડી મોકલવાનું નક્કી કર્યું છે, જેમાં આર્મીના 24 ખેલાડીઓ પણ સામેલ છે.

ટોક્યો ઓલિમ્પિકમાં ગોલ્ડ મેડલ જીતનાર જેવલિન થ્રોઅર નીરજ ચોપરા એ 24 ખેલાડીઓમાં સામેલ છે જેઓ સેનામાં છે. રક્ષા મંત્રાલયે નિવેદનમાં કહ્યું કે, પહેલીવાર ઓલિમ્પિક ટીમમાં સેનાની બે મહિલા ખેલાડીઓને પણ સામેલ કરવામાં આવી છે.

જણાવી દઈએ કે કોમનવેલ્થ ગેમ્સ 2022ની બ્રોન્ઝ મેડલ વિજેતા હવાલદાર જાસ્મીન લેમ્બોરિયા (બોક્સિંગ) અને 2023 એશિયન રેસલિંગ ચેમ્પિયનશિપ બ્રોન્ઝ મેડલ વિજેતા સીપીઓ રિતિકા હુડા એ બે મહિલા ખેલાડીઓ છે જે પહેલીવાર આર્મી ટીમમાં સામેલ છે.

વધુ વાંચો: ચાલુ મેચમાં ઘૂસી ગયું શિયાળીયું, ખેલાડીઓ પણ ગભરાઈ ગયા, જુઓ પછી શું થયું?

સ્ટાર જેવલિન થ્રોઅર નીરજ ચોપરાએ ટોક્યો ઓલિમ્પિક 2020માં ગોલ્ડ મેડલ જીત્યો હતો. તેઓ ભારતીય સેનામાં સુબેદાર છે. આ વખતે પણ તેને ગોલ્ડ મેડલની આશા છે. તેણે 2023 એશિયન ગેમ્સ, 2023 વર્લ્ડ એથ્લેટિક્સ ચેમ્પિયનશિપ, 2024 ડાયમંડ લીગ અને 2024 પાવો નુર્મી ગેમ્સમાં ગોલ્ડ મેડલ જીત્યા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ