J&K / પૂંછ સેક્ટરમાં ઘૂસણખોરી કરી રહેલી 2 યુવતીની સેનાએ કરી ધરપકડ, પાકિસ્તાની હોવાનો ખુલાસો

• જમ્મૂ કશ્મીરના પૂંછ સેક્ટરમાં બે યુવતીની ધરપકડ
• સેનાએ બે યુવતીની કરી ધરપકડ
• બન્ને યુવતીઓ પાકિસ્તાનની હોવાનું આવ્યું સામે 

આપને જણાવી દઇએ કે, શિયાળામાં સૈન્ય દ્વારા સરહદ પારથી ઘૂસણખોરી થવાની સંભાવનાને ધ્યાનમાં રાખીને જમ્મુ-કાશ્મીરમાં નિયંત્રણ રેખાની બાજુમાં એલર્ટ વધારવામાં આવ્યું છે. 

ઘૂસણખોરીના બનાવની સેવાઇ રહી છે આશંકા 

સૈન્યના સૂત્રોના જણાવ્યા અનુસાર શિયાળામાં પાકિસ્તાનના કબજા હેઠળના કાશ્મીરમાંથી ઘૂસણખોરી થઈ શકે છે. પીઓકેમાં આતંકવાદી છાવણીઓ ચાલી રહી છે અને તે બધા ઘૂસણખોરીમાં છે તેથી આવનારા દિવસો વધુ પડકારજનક છે.

બે છોકરીઓની ધરપકડ કરવામાં આવી

આને કારણે આજે પૂંછ જિલ્લાના ખારી સેક્ટરમાં સરલા ચોકીથી ભારતીય સરહદમાં ઘુસણખોરી કરનારી બે છોકરીઓની ધરપકડ કરવામાં આવી છે, જેની સૈન્ય દ્વારા પૂછપરછ કરવામાં આવી રહી છે.

થોડા સમય પહેલા મળી આવ્યું હતું ડ્રોન

જમ્મુ અને કાશ્મીરના પૂંછ જિલ્લાના મેંઢર સેક્ટરમાં નિયંત્રણ રેખાની નજીક એક પાકિસ્તાની ડ્રોન ઉડતું જોવા મળતા સેના એલર્ટ થઇ છે અને તાત્કાલિક અસરથી સર્ચ ઓપરેશન હાથ ધર્યું છે. અધિકારીઓનએ રવિવારે જણાવ્યું હતું કે, શનિવારે સાંજે ડ્રોન જવા મળ્યા બાદ આસપાસના વિસ્તારમાં સેનાએ ઓપરેશન હાથ ધર્યું હતું.

તેમણે જણાવ્યું હતું કે, પાકિસ્તાને ગત છ મહિનામાં નિયંત્રણ રેખા અને આંતરરાષ્ટ્રીય સીમાની નજીક આસમાનથી હથિયાર અને નશીલા પદાર્થ નાખવા માટે આ પ્રકારના ડ્રોનનો ઉપયોગ કરવામાં આવે છે. જેના કારણે સીમાની નજીક હાઇ એલર્ટ જાહેર કરવામાં આવ્યું છે. 

કેટલીક ચોકી પર પાક સેનાએ કર્યું ફાયરિંગ 

આ સાથે જ જમ્મુ-કાશ્મીરના કઠુઆ જિલ્લામાં આંતરરાષ્ટ્રીય સરહદથી નજીક આવેલ હીરાનગર સેક્ટરની નજીકની ચોકીઓને પાકિસ્તાની સૈનિકોએ સંઘર્ષ વિરામનો ભંગ કરીને નિશાને લીધી હતી.