તમારા કામનું / ઈન્ડિયન આર્મીમાં થશે 1,35,850 પદો પર ભરતી, જાણો તમે આવેદન કરી શકશો કે નહીં!

• સશસ્ત્ર દળોમાં લગભગ 1.3 લાખ પદો ભરશે 
• આ વાતનો ઉલ્લેખ રક્ષા રાજ્યમંત્રી અજય ભટ્ટે કર્યો 
• અનામતની જોગવાઈ પણ લાગુ પડી શકે છે 

સંરક્ષણમાં નોકરી શોધનારાઓ માટે સારા સમાચાર છે કારણ કે ભારત સરકારે સશસ્ત્ર દળોમાં લગભગ 1.3 લાખ પદો ભરવાનો નિર્ણય કર્યો છે. મીડિયા રિપોર્ટ્સ અનુસાર, હાલમાં જ કેન્દ્ર સરકારે લોકસભામાં ભારતીય સેના, ભારતીય નૌસેના અને ભારતીય વાયુસેનામાં ખાલી પડેલી 1,35,850 જગ્યાઓ ભરવાની જાણકારી આપી છે. આ વાતનો ઉલ્લેખ રક્ષા રાજ્યમંત્રી અજય ભટ્ટે 22 જુલાઈ 2022ના રોજ લોકસભામાં પોતાના લેખિત જવાબમાં કર્યો હતો.

ત્રણે જગ્યા પર આવી ભરતી
કુલ ખાલી જગ્યાઓમાંથી 1,16,464 ખાલી જગ્યાઓ ભારતીય સેના હેઠળ, ભારતીય નૌકાદળમાં 13,597 જગ્યાઓ અને બાકીની 5,789 જગ્યાઓ ભારતીય વાયુસેના (IMF)માં ભરવામાં આવશે. આ સશસ્ત્ર દળો હેઠળ, ઉમેદવારોને અધિકારીઓ, નાવિક, એરમેન વગેરે તરીકે રાખવામાં આવશે. ઉમેદવારોને અહીં પોસ્ટ્સ વિશે સંપૂર્ણ માહિતી આપવામાં આવી છે.

આટલી જગ્યાઓ પર નોકરી મળશે 
આ ભરતી પ્રક્રિયાથી ભારતીય સેનામાં અધિકારીઓની 7,308, એમએનએસ અધિકારીઓની 471 અને જુનિયર કમિશન્ડ ઓફિસર્સની 1,08,685 જગ્યાઓ પર ભરતી કરવામાં આવશે. ભારતીય નૌકાદળમાં ઓફિસર્સની 1446 જગ્યાઓ (મેડિકલ અને ડેન્ટલ સિવાય) અને સેલરની 12151 જગ્યાઓ ભરવામાં આવશે. તે જ સમયે, ભારતીય વાયુસેનામાં અધિકારીઓની 572 જગ્યાઓ અને એરમેનની 5217 જગ્યાઓ ભરવામાં આવશે.

અનામત પણ મળી શકે છે
રાજ્યમંત્રી ભટ્ટે ભૂતપૂર્વ સૈનિકોના અનામતને સંબોધતા એમ પણ જણાવ્યું છે કે તે ભૂતપૂર્વ સૈનિકો (સેન્ટ્રલ સિવિલ સર્વિસીસ એન્ડ પોસ્ટમાં પુનઃનિમણૂંક) નિયમો, 1979 હેઠળ છે. તેમણે જણાવ્યું હતું કે આ અનામત તમામ ગ્રુપ સી અને ગ્રુપ ડી સેન્ટ્રલ સિવિલ સર્વિસીસ અને પોસ્ટ્સ અને બોર્ડર સિક્યુરિટી ફોર્સ, સેન્ટ્રલ રિઝર્વ પોલીસ ફોર્સ જેવા તમામ કેન્દ્રીય સશસ્ત્ર પોલીસ દળો, ઇન્ડો-તિબેટિયન બોર્ડર પોલીસ, સશસ્ત્ર સીમા દળ અને સેન્ટ્રલ ઇન્ડસ્ટ્રિયલ સિક્યુરિટી ફોર્સમાં આસિસ્ટન્ટ કમાન્ડન્ટના સ્તર સુધીની પોસ્ટ્સ માટે કરવામાં આવશે. રાજ્ય સરકારની ભરતી હેઠળ અનામતની જોગવાઈ પણ લાગુ પડશે કારણ કે રાજ્ય સૈનિક બોર્ડમાં રોજગાર સંબંધિત રાજ્ય સરકારના કાર્યક્ષેત્રમાં આવે છે.