ફાયદો / Tiktok પર પ્રતિબંધ આવતા આ 2 દેશી એપની વધી બોલબાલા, 2 દિવસમાં કરોડોથી વધુ વખત થયા ડાઉનલોડ

• દેશી એપની વધી માગ
• ટિકટોક પર પ્રતિબંધનો લાભ
• ચિંગારી અને રોપોસો એપ થયા સૌથી વધુ ડાઉનલોડ

ટિકટોક પર પ્રતિબંધની ઘોષણાના તુરંત બાદ 30 મિનિટમાં જ ચિંગારી એપને 10 લાખ લોકોએ ડાઉનલોડ કરી દીધી હતી. એટલું જ નહીં 30 જૂન સાંજના 5થી રાતના 9 વાગ્યા સુધી ચિંગારી એપ કલાકમાં 3 લાખથી વધીને 6 લાખ વખત ડાઉનલોડ કરવામાં આવી છે. જ્યારે ચિંગારી એપ લોન્ચ થયાના દોઢ વર્ષ સુધી માત્ર એક લાખના આંકડાએ પહોંચી હતી. 

બંને એેપના સહસંસ્થાપકે અચાનક આવેલા ઉછાળાને લઈને કહી આ વાત

ચિંગારીના સહસંસ્થાપક સુમિત ઘોષે કહ્યું કે પ્રતિ કલાકમાં 6 લાખ ડાઉનલોડ ફેસબુક એપના પણ ક્યારે નથી થયા. જ્યારે રોપોસોના સંસ્થાપક મયંક ભાનગઢિયાએ કહ્યું કે થોડા દિવસોમાં રોપોસો એપ 10 કરોડનો આંકડો પાર કરી જશે. 2014માં લોંચ કરાયેલી રોપોસો એપના 6 કરોડથી વધુ ડાઉનલોડ છે. ત્યારે એપ માલિકોનું કહેવું છે કે તેઓ છેલ્લા કેટલાક દિવસથી 5થી 7 કલાક જ ઉંઘી શક્યા છે કારણ કે સતત ડાઉનલોડ વધતા તેમનું કામ પણ વધી ગયું છે.

વધી દેશી એપની બોલબાલા 

• ચીની એપ ટિકટોક પર પ્રતિબંધ લગાવ્યા બાદ હવે દેશી એપની માગ વધી. 
• ચીની એપ બંધ થતા જ ભારતીય ટેક કંપનીઓ માટે સંભાવનાઓના દરવાજા ખુલી ગયા. 
• સૌથી વધુ ફાયદો ટિકટોક જેવા ફીચર્સ ધરાવતી દેશી એપ્લીકેશનને થયો. 
• ટિકટોક જેવી બે મુખ્ય એપ રોપોસો અને ચિંગારીમાં સતત યુઝર્સ વધી રહ્યાં છે.
• રોપોસો એપને બે દિવસમાં 2.2 કરોડ લોકોએ ડાઉનલોડ કરી છે.
• ચિંગારી એપ પણ 1.1 કરોડના આંકડાને પાર કરી ગઇ છે.
• ટિકટોક પર પ્રતિબંધ બાદ 30 મિનિટમાં જ ચિંગારી એપને 10 લાખ લોકોએ ડાઉનલોડ કરી દીધી. 
• રોપોસોના સંસ્થાપકે દાવો કર્યો કે થોડા દિવસોમાં રોપોસો એપ 10 કરોડનો આંકડો પાર કરી જશે.