સુવર્ણ તક / ચીનને APIમાં ઝટકો, ગ્લોબલ કસ્ટમર્સ ચેન બદલાઈ રહી છે, ભારતને થઈ રહ્યો છે આ ફાયદો

• ભારતીયમાં એક્ટિવ ફાર્માસ્યુટિકલ ઇન્ગ્રેડિયન્ટ મેકર્સને મોટો ફાયદો
• ભારતમાં API બનાવનારી કંપનીઓને ઇવેન્ટ્રી મેનેજમેન્ટમાં થયો ફાયદો
• કસ્ટમર્સ સાથે સારી સપ્લાય ચેન સિસ્ટમ પર જોર

ચીનના ફાર્મા સેક્ટરમાં ઝટકો લાગ્યો છે. ત્યારે મળતી માહિતી મુજબ ભારતમાં એક્ટિવ ફાર્માસ્યુટિકલ ઇન્ગ્રેડિયન્ટ બનાવનારી કંપનીઓને સારો ફાયદો થયો છે અને હાલ કસ્ટમર્સને સારી સપ્લાય ચેન સિસ્ટમ પર જોર આપવામાં આવી રહ્યું છે. 

 ગ્લોબલ કસ્ટમર્સ દ્વારા ખરીદ પેટર્નમાં પણ ઘણો બદલાવ આવ્યો છે. અને હવે ચીનના વિકલ્પની શોધ કરવામાં આવી રહ્યો છે. જ્યાંથી સૌથી વધુ APIની જરૂર મુજબ ખરીદારી કરી શકાય. ત્યારે ભારતની વાત કરીએ તો બદલાવની શરૂઆત જરૂર થઇ છે પરંતુ હાલ પણ ભારતીય ફાર્મ કંપનીઓ API માટે ચીન પર નિર્ભર છે.

ભારત 70 ટકા API ચીનથી આયાત કરે છે. અને કેટલીક મહત્વપૂર્ણ દવાઓ માટે તો 90 ટકા API ચીનથી આયાત કરવામાં આવે છે. ભારતમાં ફાર્મ સેક્ટર ઘણુ મોટું છે. વોલ્યૂમ મૂજબ ભારત વિશ્વમાં ત્રીજા નંબર પર આવે છે. અને ગ્લોબલ જેનરિક મેડિસિન ડિમાન્ડમાં 20 ટકા ભારત સપ્લાય કરે છે. અને વેક્સિનની વાત કરીએ તો ગ્લોબલ વેક્સિન ડિમાન્ડ સપ્લાયમાં પણ ભારતની ભાગેદારી 62 ટકા છે. API ઇન્ડસ્ટ્રીની વાત કરીએ તો ભારત પાસે યુએસ ફૂડ એન્ડ ડ્રગ એડમિનિસ્ટ્રેશન તરફથી અપ્રૂવ્ડ સૌથી વધુ API ફેસેલિટી છે. એટલે જ ભારત માટે ગ્લોબલ સપ્લાય ચેનમાં પોતાની દાવેદારી રજૂ કરવાની સૌથી શાનદાર તક છે.