નવી દિલ્હીઃ અફઘાનિસ્તાનની રાજધાની કાબુલમાં આતંકવાદીઓએ એક ભારતીય નાગરિક સહિત ત્રણ વિદેશીઓની હત્યા કરી છે. આ ત્રણેય એક ઇન્ટરનેશનલ કંપનીમાં કામ કરતા હતા. ગુરૂવારે કાબુલ પોલીસ અધિકારીએ આ વાતની પુષ્ટિ કરી છે.
ત્રણ યુવકોમાં એક ભારતીય સિવાય એક મલેશિયન નાગરિક અને અન્ય મેક્ડોનિયન દેશના નાગરિક હતા. જણાવાય રહ્યું છે કે આતંકવાદીઓએ પહેલા આ ત્રણનું અપહરણ કર્યું જ્યારબાદ તેમની હત્યા કરી નાખી.
સ્થાનિક મીડિયાના જણાવ્યા અનુસાર ત્રણેયનું કાબુલના મુસાહી જિલ્લામાંથી અપહરણ કરવામાં આવ્યું હતું. તેમણે PD9થી લઇ જવામાં આવ્યા હતા. ત્રણેયના મૃતદેહની પાસેથી ઓળખપત્ર મળ્યા હતા જેનાથી તેમની ઓળખ થઇ છે.