એરફોર્સ / ટૂંક સમયમાં વાયુસેનાને મળશે પાવરનો બીજો બૂસ્ટર ડોઝ, મોદી સરકાર કરવા જઈ રહી છે આ કામ

• વાયુસેના હવે 114 મલ્ટિરોલ ફાઇટર જેટને ખરીદવાની પ્રક્રિયા શરૂ કરશે
• અમેરિકા, રશિયા, ફ્રાંસ અને સ્વીડન જેવા દેશોના ફાઇટર જેટ છે લિસ્ટમાં
• હજુ થોડા સમય પહેલા જ 83 LCA તેજસ માર્ક 1A ની ખરીદને મંજૂરી અપાઈ છે

વાયુસેના માટે 83 નવા તેજસ માર્ક 1Aને મંજૂરી આપ્યા પછી ભારતીય વાયુસેના હવે મલ્ટિરોલ ફાઇટર એરક્રાફ્ટ પ્રોજેક્ટ પર ધ્યાન કેન્દ્રિત કરવા માંગે છે. જેની અંતર્ગત 1.3 લાખ કરોડ રૂપિયાના અંદાજિત ખર્ચે 114 નવા ફાઇટર જેટ ખરીદવાની યોજના છે. 

હજુ થોડા સમય પહેલા જ 83 તેજસની ખરીદને અપાઈ છે મંજૂરી

મહત્વનું છે કે હજુ થોડા સમય પહેલા જ મોદી સરકાર દ્વારા વાયુસેના માટે 83 LCA TEJAS MK 1A ની ખરીદીને મંજૂરી આપવામાં આવી છે. એરો ઈન્ડિયા શો દરમિયાન, બેંગલુરુમાં આ ડીલ પર હસ્તાક્ષર થવાની તૈયારી થઈ રહી છે. 

સૂત્રોએ જાણકારી આપી હતી કે "83 LCA તેજસ નજીકના ભવિષ્યમાં તબક્કાવાર રિટાયર્ડ થનારી મિગ 21ની ચાર ફાઇટર સ્ક્વોડ્રનની જગ્યા લેશે. જેથી હવે વાયુસેના માટે 114 મલ્ટિરોલ ફાઇટર જેટની યોજના પર ધ્યાન કેન્દ્રિત કરવામાં આવશે. 

વાયુસેનામાં 36 રાફેલના સામેલ થવાની પ્રક્રિયા શરૂ થઈ ગઈ છે

ભારતીય વાયુસેનાએ ટેન્ડર માટેની માહિતી માટેની EOI પહેલેથી જ જાહેર કરી દીધી છે અને ટૂંક સમયમાં આ પ્રોજેક્ટ માટે રક્ષા મંત્રાલયને જરૂરીયાતની મંજૂરી (AoN) મળે તે માટે પ્રસ્તાવ મૂકવામાં આવશે. આ 4.5 જનરેશન ફાઇટર જેટન અધિગ્રહણને સક્ષમ બનાવશે. મહત્વનું છે કે ગત વર્ષે જ વાયુસેનામાં જોડાનારા 36 રાફેલ વિમાનોની પ્રક્રિયા શરૂ થઈ ચૂકી છે.

યુ.એસ., ફ્રાન્સ, રશિયા અને સ્વીડનના ફાઇટર જેટ પ્રોડ્યુસર્સ કંપનીઓ સહિત અનેક વૈશ્વિક કંપનીઓ દ્વારા RFI નો જવાબ આપવામાં આવ્યો છે.

અમેરિકન F-15 સ્ટ્રાઈક ઇગલ, F-18 સુપર હોર્નેટ અને F-16ના ઉન્નત વેરિયન્ટ F-21 વગેરે ઉપરાંત રશિયાના મિગ -35 અને સુખોઇ ફાઇટર સ્પર્ધા કરી રહ્યા છીએ. સાથે જ ફ્રાન્સ તેના રાફેલ ફાઇટર જેટની સાથે અને સ્વીડન ગ્રિપેન NG સાથે આ ટેન્ડરમાં ભાગ લઈ રહ્યા છે. 

સિંગલ અને ડબલ એન્જિન જેટ લેવા પર છે વાયુસેનાનું ફોકસ 

સૂત્રોએ જણાવ્યું હતું કે પ્રોજેક્ટમાં પસંદગી માટેનું મુખ્ય પાસું ઓફરની કિંમત તેમજ વિમાનની ક્ષમતાઓ હશે. ભારતીય વાયુસેના પણ તે માપદંડો તૈયાર કરી રહી છે જેના આધારે તે લડાકુ વિમાનોની પસંદગી કરવામાં આવશે. તેમાં સિંગલ એન્જિન અને ડબલ એન્જિન બંને ફાઇટર જેટનો સમાવેશ કરવામાં આવશે.

આ 114 વિમાન ભારતમાં બનાવવામાં આવશે. આત્મનિર્ભર ભારત  યોજના હેઠળ વિદેશી કંપનીઓને મજબૂત સ્થાનિક સંરક્ષણ ઉદ્યોગ બનાવવા માટે ટેકનોલોજી ટ્રાન્સફર કરવાની જરૂરી રહેશે.