ચીન સાથે ચાલી રહેલ સરહદ તણાવ વચ્ચે ભારત પૂર્વી લદ્દાખમાં બે મહત્વપૂર્ણ રોડનું નિર્માણ કરી રહ્યું છે. આ રોડનું નિર્માણ એક મહત્વપૂર્ણ ફોરવર્ડ ક્ષેત્ર સાથે જોડાણ માટે બનાવામાં આવી રહી છે.
એક અધિકારીના જણાવ્યાં અનુસાર પહેલી રણનીતિ મુજબનો રોડ દરબૂક-સ્યોક-દૌલત બેગ ઓલ્ડી (DS-DBO) છે, જે દેશને ઉત્તરી ચોકીને કેનેક્ટિવીટી પ્રદાન કરશે. બીજો રોડ દોલત બેડ ઓલ્ડી છે, જે સસોમાથી સેસર સુધી બનાવામાં આવી રહ્યો છે. આ કારાકોરમ નજીકના DBO સુધી એક વૈકલ્પિક રોડ પ્રદાન કરશે. સસોમા-સસેર લા રોડનો અંત DBO ના દક્ષિણ-પશ્ચિમમાં છે.
બંને પરિયોજનાને સરહદ રોડ સંગઠન (BRO) દ્વારા બનાવામાં આવી રહી છે, જે રણનીતિક રોડનું નિર્માણ માટે લદ્દાખ, હિમાચલ પ્રદેશ અને ઉત્તરાખંડમાં ચીનની સરહદની પાસેના વિસ્તારોમાં 11,815 શ્રમિકોની મદદથી નિર્માણ કરી રહી છે.
બીજા અધિકારીએ જણાવ્યું કે ભારત લદ્દાખ સેકટર સહિત આગળના વિસ્તારોમાં રણનીતિક રોડ પરિયોજનાઓમાં વિઘ્ન નાંખવા માટે ચીન સાથે સરહદમાં ટક્કર થવા દેવા માગતુ નથી. જેમાં લદ્દાખ સેકટરનો વિસ્તાર પણ સામેલ છે, જ્યાં હાલમાં LAC પર ચાર જગ્યાઓ પર બંને દેશોના જવાનો વચ્ચે ટક્કર જોવા મળી હતી.
ગલવા ઘાટીમાં હાલમાં ચીનની સેનાની ટૂકડી મહત્વપૂર્ણ 255 કિલોમીટર DS-DBO રોડ (જેને SSN રોડ પણ કહેવામાં આવે છે) માટે ખતરો છે. ઉચ્ચ વિશ્લેષકો અને ચીન પર નજર રાખનારાઓએ તર્ક આપ્યો છે કે ભારતે DBO માટે એક વૈકલ્પિક રોડનું નિર્માણ કરવું જોઇએ.