ક્રિકેટ / એક તરફ ટીમમાં સિલેક્શન ન થવા બદલ વિરોધ, તો બીજી તરફ ઈન્ડિયા-A તરફથી રમતા ચમક્યો કેપ્ટન સંજુ, કિવીનાં સુપડા સાફ

• ટીમ ઈન્ડિયાએ ત્રીજી વન ડેમાં ન્યૂઝીલેન્ડને આપી માત 
• 106 રનથી ઈન્ડિયા જીત્યું ત્રીજી વન ડે 
• સેમસન અને શાર્દૂલ ઠાકુરે ફટકારી હાફ સેન્ચુરી 

ટીમ ઈન્ડિયાએ ત્રીજી વન ડેમાં ન્યૂઝીલેન્ડને આપી માત 

ચેન્નઈના એમએ ચિદંબરમ સ્ટેડીયમમાં રમવામાં આવેલ ત્રીજા અનઓફિશિયલ વન ડેમાં ઇન્ડિયા-એ એ ન્યૂઝીલેન્ડ - એને 106 રનથી માત આપી. સેમસનની અને શાર્દૂલ ઠાકુરની શાનદાર ફિફ્ટીને કારણે ટીમ ઈન્ડિયાએ પહેલા બેટિંગ કરીને 284 રન બનાવ્યા હતા. આના જવાબમાં ન્યૂઝીલેન્ડની ટીમ માત્ર 178 રન જ બનાવી શકી. 

106 રનથી ઈન્ડિયા જીત્યું ત્રીજી વન ડે 

ટોસ જીતીને પહેલા બેટિંગ કરવા ઉતરેલી ટીમ ઈન્ડિયા - એને અભિમન્યુ ઈશ્વરન અને રાહુલ ત્રિપાઠીએ સારી શરૂઆત અપાવી. બંનેએ પહેલા વિકેટ માટે 55 એન બનાવ્યા. શાનદાર બેટિંગ કરી રહેલા અભિમન્યુ ઈશ્વરન 35 બોલમાં 39 રન બનાવીને આઉટ થઈ ગયા. આ દરમિયાન તેમણે 8 ચોક્કા ફટકાર્યા. જ્યારે રાહુલે 25 બોલમાં બે ચોક્કાની મદદથી 18 રન બનાવ્યા. 

સેમસન અને શાર્દૂલ ઠાકુરે ફટકારી હાફ સેન્ચુરી 

ત્યાર બાદ સંજૂ સેમસન અને તિલક વર્મા વચ્ચે 99 રનની ભાગીદારી થઈ તિલકે 62 બોલમાં એક ચોક્કા અને ત્રણ સિક્સરની મદદથી 50 રન બનાવ્યા. જ્યારે સેમસને 68 બોલમાં 54 રન બનાવ્યા. 

આ વચ્ચે શાર્દૂલ ઠાકુર કિવી બોલર્સ પર તૂટી પડ્યા. શાર્દૂલે 33 બોલ પર ચાર ચોક્કા અને ત્રણ સિક્સરની મદદથી 51 રન બનાવ્યા. આ પ્રકારે ટીમ ઈન્ડિયાએ 49.3 ઓવરમાં 284 રન બનાવ્યા. અને ત્યાર બાદ ટીમ ઇન્ડિયાએ 38.3 ઓવરમાં ન્યૂઝીલેન્ડની આખી ટીમને આઉટ કરીને મેચ પોતાને નામ કરી.