ટોક્યો પેરાલિમ્પિક્સની ઉંચી કૂદની રમતમાં ભારતને 3 મૅડલ મળ્યા છે. આ પહેલા ભારતના નિષાદ કુમારને મેડલ મળ્યો હતો. જે બાદ આજે મરિયપ્પન થંગાવેલુએ સિલ્વર અને શરદ કુમારે હાઇ જંપમાં કાંસ્ય પદક જીત્યો છે. તે સિવાય દેવેન્દ્ર ઝાઝરીયાએ સિલ્વર મૅડલ જીત્યો હતો. 2004 અને 2016ના ઓલિમ્પિક્સમાં દેવેન્દ્રએ ગોલ્ડ મેડલ જીત્યો હતો.
ભારતીય એથલીટોએ ટોક્યો પેરાલિમ્પિક્સમાં શાનદાર પ્રદર્શન જાળવી રાખ્યું છે. ગઈ કાલે મેડલસની વર્ષા કરી દીધા બાદ આજે ભારતના સિંઘરાજ અધનાએ ભારત માટે બ્રોન્ઝ મેડલ જીત્યો હતો. P1 મેન્સ 10 મિટર એર પિસ્તોલ SH1 ઈવેન્ટમાં સિંઘરાજને બ્રોન્ઝ મળ્યો હતો.
Just as at Rio 2016, #IND have 2️⃣ athletes in the podium places in Men's High Jump T63 Final! 🔥🔥
જો કે આ જ ઇવેન્ટમાં ભારતના મનીષ નરવાલ સાતમ ક્રમે રહ્યા હતા. આ અગાઉ નરવાલ P1 મેન્સ 10 મિટર એર પિસ્તોલ SH1 ક્વોલિફિકેશન રાઉન્ડમાં ટોપ પર રહ્યા હતા અને ફાઇનલમાં એન્ટ્રી મેળવી હતી. સિંઘરાજ પણ આ જ ઇવેન્ટની ફાઇનલમાં છઠ્ઠા રાઉન્ડ બાદ ક્વોલિફાય થયા હતા.
ગઇકાલે સુમિત અંતિલ જીત્યો હતો ગોલ્ડ મેડલ
ટૉક્યો પેરાલિમ્પિકમાં ભારતના ભાલાફેંકના ખેલાડી સુમિત અંતિલે ભારતને ત્રીજો મેડલ અપાવ્યો છે. સુમિતે પુરુષોની ફાઈનલમાં ગોલ્ડ મેડલ મેળવ્યો અને આ સાથે ભારતના મેડલની સંખ્યા ગઇકાલે જ 7 થઈ ગઈ હતી. સુમિતે આ સાથે 68.55 મીટરના અંતરે ભાલો ફેંકી ગોલ્ડ મેડલ તો પોતાને નામ કર્યો જ છે પરંતુ સાથે સાથે વર્લ્ડ રેકોર્ડ પણ બનાવ્યો છે. ટૉક્યો પેરાલિમ્પિકમાં ભારતનો આ બીજો ગોલ્ડ મેડલ છે.