ક્રિકેટ / વેલડન ! વધાવો હવે ભારતની બ્લાઈન્ડ ટીમને, બની ટી-20 વર્લ્ડ કપ ચેમ્પિયન

• ભારતીય બ્લાઇંડ ક્રિકેટ ટીમે રચ્યો ઇતિહાસ
• ટીમ ઇન્ડિયાએ ત્રીજી વખત બ્લાઇંડ ટી20 વર્લ્ડ કપ જીત્યો
• બાંગ્લાદેશને 120 રનથી આપી માત

ભારતીય બ્લાઇંડ ટીમે આજે ઇતિહાસ રચ્યો છે. ટીમ ઇન્ડિયાએ ટી20 વર્લ્ડકપનાં ફાઇનલમાં બાંગ્લાદેશને માત આપી આ વખત પણ ટી20 વર્લ્ડકપ જીત્યો છે. આ ટૂર્નામેન્ટની ત્રીજી સીઝન હતી. અન્ય કોઇ ટીમ અત્યાર સુધી આ કપ જીતી શકી નથી. 

120 રનોથી જીત

મેચમાં ભારતીય ટીમે પહેલા રમતાં 2 વિકેટ પર 277 રન બનાવ્યાં હતાં. રમેશે કુલ 163 રનો બનાવ્યાં છે. અજયે પણ આશરે 100 રન બનાવ્યાં હતાં જેના જવાબમાં બાંગ્લાદેશની ટીમે 3 વિકેટ પર 157નો સ્કોર જ બનાવી શકી. આ રીતે ભારતીય ટીમે મેચને 120 રનોથી જીત મેળવી છે. 

#TeamIndia beat Bangladesh by 120 runs & clinched the 3rd #T20WorldCup 2022 🏆 pic.twitter.com/Vod0x13fzx

— Doordarshan Sports (@ddsportschannel) December 17, 2022

મેચ પહેલા થયો હતો વિવાદ
ભારતીય બ્લાઇંડ ક્રિકેટ ટીમે આજે બાંગ્લાદેશને માત આપી ઇતિહાસ રચ્યો છે ત્યારે આ મેચ શરૂ થયાં પહેલા વિવાદ થયો હતો. એમાં થયું એવું કે visa ન મળવાને કારણે પાકિસ્તાનની ટીમ ટૂર્નામેન્ટમાં જોડાવા ભારત આવી શકી નહીં. આ પહેલા 2017માં થયેલ ટી20 વર્લ્ડ કપનાં ફાઇનલમાં ભારતે પાકિસ્તાનને હરાવ્યું હતું. ત્યારે ટૂર્નામેન્ટની મેચ ભારતમાં જ થઇ હતી. ભારતે પાકિસ્તાનને ત્યારે 9 વિકેટથી માત આપી હતી અને ટૂર્નામેન્ટ જીતી હતી.

Indian flag flying high, won the T20 World Cup for blind.

What a moment in Indian cricket history. pic.twitter.com/0ZloesNaSh

— Johns. (@CricCrazyJohns) December 17, 2022

આ જીત 2022ની સૌથી મોટી જીત
ભારતીય બ્લાઇન્ડ ક્રિકેટ ટીમની આ જીતને 2022ની સૌથી મોટી જીત માનવામાં આવી રહી છે. સીનિયર પુરુષ ટીમ અને મહિલા ટીમ આ વર્ષે વર્લ્ડકપમાં સારૂં પ્રદર્શન ન કરી શકી. તો અંડર-19 ટીમ ટ્રોફી જીતવામાં સફળ રહી છે .ભારતની બ્લાઇન્ડ ટીમ 3 વખત વનડે વર્લ્ડકપની ટ્રોફી જીતી શકી છે. તેવામાં આ ઓવરઓલ ટીમની 5મી ટ્રોફી છે. 

2017 અને 2012માં પણ વિજય
ભારતીય બ્લાઇન્ડ ટીમે 2012 અને 2017માં પણ આ ટ્રોફી જીતી હતી. 2017માં ભારતને પાકિસ્તાનની સામે 9 વિકેટથી જીત મળી હતી.