રાજનીતિ / કોરોનાના વધતાં કેસ પર રાહુલ ગાંધીએ કહ્યું, ભારત એક ખોટી રેસ જીતવાના રસ્તા પર

• ભારતમાં કોરોનાના નવા કેસ દરરોજ વધી રહ્યાં છે
• કોરોનાથી સૌથી વધારે પ્રભાવિત દેશમાં ચોથા નંબર પર ભારત

કોંગ્રેસના પૂર્વ અધ્યક્ષ અને વાયનાડ સાંસદ રાહુલ ગાંધીએ કોરોના સંકટને લઇને એકવાર ફરી મોદી સરકારને ઘેરવાનો પ્રયત્ન કર્યો છે. પોતાના ટ્વિટમાં રાહુલ ગાંધીએ લખ્યું કે 'ભારત એક ખોટી રેસ જીતવાના રસ્તા પર છે, અહંકાર અને અક્ષમતાના ઘાતક મિશ્રણના પરિણામસ્વરૂપ, એક ભયાવહ ત્રાસદી '
 

India is firmly on it's way to winning the wrong race.

A horrific tragedy, resulting from a lethal blend of arrogance and incompetence. pic.twitter.com/NB2OzXPGCX

— Rahul Gandhi (@RahulGandhi) June 12, 2020

પોતાના આ ટ્વિટમાં રાહુલ ગાંધીએ એક 20 સેકન્ડનો વીડિયો પર જાહેર કર્યો છે. જેમાં કોરોના વાયરસથી સૌથી વધારે પ્રભાવિત દેશની યાદી જાહેર કરવામાં આવી છે. આ વીડિયો જોવા મળે છે કે 17 મે પછી ભારતનું સ્થાન સતત ઉપર આવી રહ્યું છે. અને હવે આપણે દુનિયામાં કોરોનામાં સૌથી વધુ પ્રભાવિત દેશની યાદીમાં ચોથા નંબર પર આવી ગયા છે. 

ઉલ્લેખનીય છે કે આ અગાઉ લદ્દાખમાં વાસ્તવિક નિયંત્રણ રેખા (LAC) પર ભારત અને ચીનના વચ્ચેના તણાવને લઇને પણ રાહુલ ગાંધીએ સતત મોદી સરકાર પર નિશાન તાક્યું હતું.