ભારત રસોઈ ગેસના ક્ષેત્રમાં ચીનને પછાડી શકે છે. વુડ મેકેન્ઝીએ પોતાના અહેવાલમાં જણાવ્યું છે કે ભારતમાં લોકોની વધતી સમૃદ્ધિ સાથે વર્ષ 2030 સુધીમાં LPG ગેસની માંગ અને વપરાશમાં સતત વધારો થશે. સરકારની આ યોજના હેઠળ વધુમાં વધુ લોકોને લાભ મળશે.
આ અહેવાલમાં કહેવામાં આવ્યું છે કે વર્ષ 2030 સુધીમાં દેશમાં વાર્ષિક ધોરણે LPG માંગમાં 3.3 ટકાનો વધારો જોવા મળશે અને LPGની કુલ માંગ 2030 સુધીમાં 34 મિલિયન ટન પહોંચી જશે.
2030 સુધીમાં ભારત LPGનો સૌથી મોટો ગ્રાહક બની જશે. ચેને વધુમાં જણાવ્યું હતું કે સરકાર LPGની સબસિડી આપવાનું આગળ પણ ચાલુ રાખી શકે છે. 2030 સુધીમાં LPG સબસિડી વાર્ષિક 5.7 અબજ ડોલરની સપાટીએ પહોંચી શકે છે.
2030ના અંત સુધીમાં સ્થાનિક ક્ષેત્રમાં LPGની માંગ કુલ LPG માંગના 82 ટકા હશે
2030 સુધીમાં ભારત ચીનને પાછળ રાખીને વિશ્વનો સૌથી મોટો સ્થાનિક LPG ગેસ ગ્રાહક બનશે. આ અહેવાલમાં વધુમાં જણાવાયું છે કે 2030ના અંત સુધીમાં સ્થાનિક ક્ષેત્રમાં LPGની માંગ કુલ LPG માંગના 82 ટકા હશે. જ્યારે આ ક્ષેત્રમાં કુદરતી ગેસની માંગ ભારતની કુલ કુદરતી ગેસ માંગના 3% હશે.
ફ્રી સિલિન્ડર અને ગેસ સિલિન્ડર ઉપલબ્ધ કરાવી રહી છે સરકાર
સ્વાસ્થ્ય અને પર્યાવરણને લગતા જોખમોને ધ્યાનમાં રાખીને સરકાર પણ દેશમાં બાયોમાસ (લાકડા, છાણ જેવું બળતણ)ને બદલે LPGને પ્રોત્સાહન આપી રહી છે. નોંધનીય છે કે Direct Benefit Transfer of LPG (DBTL) વડે દેશના નબળા વર્ગને એકાઉન્ટમાં સીધી સબસિડીની ટ્રાન્સફર કરવામાં આવી રહી છે. આ તરફ પ્રધાનમંત્રી ઉજ્જવલા યોજના અંતર્ગત ગરીબી રેખાથી નીચેના લોકોને ફ્રીમાં LPG ગેસ એન્ડ ચુલા સરકાર ઉપલબ્ધ કરાવી રહી છે.
વુડ મેકેન્ઝીના ચેને કહ્યું કે દેશમાં LPG કવરેજ 98 ટકા સુધી પહોંચી ગયો છે.