દાવો / 2020માં ભારતના 5 ટકા GDP ગ્રોથને લઇને પ્રખ્યાત અર્થશાસ્ત્રીએ કહી આ વાત....

• મોદી સરકાર માટે નવું વર્ષ પડકારો સમાન
• 2020માં 5 ટકા GDP માટે ભારતને કરવો પડશે સંઘર્ષ
• અમેરિકાના પ્રસિદ્ધ અર્થશાસ્ત્રીએ કર્યો દાવો

એક મીડિયાને આપેલા ઇન્ટરવ્યુંમાં સ્ટીવે કહ્યું કે ભારતમાં જે સ્લોડાઉન છે, તે ધિરાણના અભાવના કારણે જોવા મળી રહ્યો છે. ભારતને 2020માં 5 ટકા GDP  વિકાસ દર મેળવવા માટે સંઘર્ષ કરવો પડશે.

સ્ટીવે આ ચેતવણી સાથે એમ પણ કહ્યું કે ભારતમાં BJP ના ફાયરબ્રાંડ નેતા નરેન્દ્ર મોદીના નેતૃત્વવાળી NDA સરકાર કોઇપણ મોટું આર્થિક સુધારો કરવામાં નિષ્ફળ રહી છે, જેનાથી સાવ ઉલટુ હાલની કેન્દ્ર સરકારનો દાવો છે કે આર્થિક મોરચા પર તેમને મોટી સુધારણા કરી છે, જેમાં નોટબંધી અને GST સામેલ છે.

અર્થશાસ્ત્રીએ સૂચન કર્યું છે કે મોદી સરકારે થોડા કડક અને જરૂરી આર્થિક સુધારા અને વ્યાજ લેવું જોઇએ. મોદી સરકારે આર્થિક સુધારના બદલે બે વસ્તુ પર વધુ જોર આપ્યું છે જેમાં જ્ઞાતિવાદ અને ધર્મ સામેલ છે. આ એક ડેડલી કોકટેલ (ખતરનાક સમિશ્રણ) છે.