કોરોના વાયરસ / ભારતને ત્રીજી રસી માટે રાહ જોવી પડશે, એક્સપર્ટ પેનલે આ રસીને ન આપી મંજૂરી, કહ્યું...

• કમિટીએ આ રસી વિશે ડેટાની માંગ કરી છે
• પેનલે આ રસી પરના નિર્ણયને બીજી બેઠક સુધી મુલતવી રાખ્યો 
• 24 ફેબ્રુઆરીની બેઠકમાં કંપનીએ રસીના ડેટા રજૂ કર્યા હતા

 કમિટીએ આ રસી વિશે ડેટાની માંગ કરી છે

એક સીનિયર અધિકારીએ જણાવ્યું કે કમિટીએ આ રસી વિશે ડેટાની માંગ કરી છે. ઉલ્લેખનયી છે કે સ્પૂતનિક વીના ફેઝ 2 ટ્રાયલ ભારતમાં 1500 લોકો પર થયું હતુ. જેમાં ત્રીજા ફેઝનું ટ્રાયલ ચાલી રહ્યું છે.  ભારતની કેન્દ્રીય વિશેષજ્ઞની પેનલે દવા કંપની ડો. રેડ્ડીઝ લેબોરેટરીઝ પાસે રશિયન રસીના ડેટા માંગ્યા છે. ઉલ્લેખનીય છે કે દવા કંપનીએ આ રસીના ઈમરજન્સી ઉપયોગની પરવાનગી માંગી હતી.  પેનલે આ રસીના નિર્ણયને બીજી બેઠક સુધી મુલતવી રાખ્યો હોવાનું સૂત્રોએ જણાવ્યું હતુ.

24 ફેબ્રુઆરીની બેઠકમાં કંપનીએ રસીના ડેટા રજૂ કર્યા હતા

સીડીએસસીઓની  વિશેષજ્ઞ સમિતિ (એસઈસી)એ 24 ફેબ્રુઆરીની બેઠકમાં કંપનીએ રસીના વચગાળાની સુરક્ષાના ડેટા રજૂ કર્યા હતા. સાથે રશિયામાં ચાલુ અધ્યયનના ડેટા પણ રજુ કર્યા છે.

કંપનીએ કહ્યું અમે સીડીએસસીઓના જવાબની રાહ જોઈશું

એસઈસીએ ગુરુવારે ઈયૂએ આવેદન પર વિચાર કર્યો અને આ ભલામણ કરી કે કંપનીએ રસીના ક્ષમતાના માપદંડો અને ગંભીર પ્રતિકુલ અસર સહિત અન્ય ડેટા રજૂ કરવા જોઈએ. ડો. રેડ્ડીજે એક નિવેદનમાં કહ્યું કે અમે સીડીએસસીઓના જવાબની રાહ જોઈશું. એક વાર જવાબ મળી જાય પછી અમે આગળની જાણકારી આપીશું.

આ 2 રસીને ભારતમાં મળી છે પરવાનગી

ઉલ્લેખનીય છે કે ભારતમાં સીરમ ઈન્સ્ટીટ્યૂટ દ્વારા નિર્મિત ઓક્સફોર્ડની કોવિડ 19 રસી કોવિશીલ્ડ અને સ્વદેશી ભારત બાયોટેક કોવૈક્સીનને ઈમરજન્સી ઉપયોગની મંજૂરી અપાઈ છે. 16 જાન્યુઆરીથી રસીકરણ અભિયાનની શરુઆત થઈ છે. ત્રીજા ચરણનું રસીકરણ ચાલુ થઈ ચૂક્યું છે.