Women's World Cup 2022 / પહેલી જ મેચમાં ભારત સામે ટકરાશે પાકિસ્તાન, જાણો ટીમ ઇન્ડિયાનું આખું શેડ્યૂલ

• માર્ચથી  શરુ  થશે ICC મહિલા વર્લ્ડકપ 
• મહિલા વર્લ્ડ કપમાં ભારતનું શેડ્યૂલ 
• ભારત તથા પાકિસ્તાન આવશે સામસામે 

સાલ 2022નો માર્ચ મહિનો ક્રિકેટ પ્રેમીઓ માટે અત્યંત ખાસ રહેવાનો છે. આ મહિનામાં ઘણી મુખ્ય ક્રિકેટ ટુર્નામેન્ટ થવાની છે, જેમાં ICC મહિલા વર્લ્ડકપ પણ શામેલ છે. આ ઉપરાંત દુનિયાની સૌથી અમીર ક્રિકેટ ટીમ આઈપીએલની 15મી સીઝનનાં ભણકારાઓ પણ 26 માર્ચથી વાગવા લાગશે. 

ભારત તથા શ્રીલંકા વચ્ચે 4 માર્ચથી ટેસ્ટ સીરીઝનો આગાઝ થશે, જેની પહેલી મેચ મોહાલીમાં રમાશે. આ ઉપરાંત, પાકિસ્તાન તથા ઓસ્ટ્રેલીયા વચ્ચે પણ રાવલપિંડીમાં ટેસ્ટ મેચ રમાશે. આ ટેસ્ટ મેચ પણ 4 માર્ચથી શરુ થશે. ભારત તથા શ્રીલંકા વચ્ચે બીજી ટેસ્ટ મેચ ડે-નાઈટ ફોર્મેટમાં પિંક બોલથી હશે જે બેંગ્લોરનાં  એમ ચિન્નાસ્વામી સ્ટેડિયમમાં રમાશે, આ મેચ 12 માર્ચથી શરુ થશે. પાકિસ્તાન તથા ઓસ્ટ્રેલીયા વચ્ચે સીરીઝની બીજી ટેસ્ટ મેચ કરાચીમાં 12 માર્ચથી રમાશે. 

શેડ્યૂલ 
મહિલા વર્લ્ડ કપમાં ભારતીય ટીમ પાકિસ્તાન વિરુદ્ધ મુકાબલો કરશે, જે છ માર્ચ 2022ના રોજ માઉંટ માઉન્ગાનુઇમાં રમાશે. પહેલી સેમીફાઈનલ મેચ વેલિંગ્ટનમાં જ્યારે બીજી ક્રાઈસ્ટચર્ચમાં આયોજિત થશે. ફાઈનલ 3 એપ્રિલનાં રોજ ક્રાઈસ્ટચર્ચમાં રમાશે. 

મહિલા વર્લ્ડ કપમાં ભારતનું શેડ્યૂલ 

• 6 માર્ચ - ભારત vs પાકિસ્તાન - માઉંટ માઉન્ગાનુઇ 
• 10 માર્ચ - ભારત vs ન્યૂઝીલેંડ - હેમિલ્ટન 
• 12 માર્ચ - ભારત vs વેસ્ટઇન્ડીઝ - હેમિલ્ટન 
• 16 માર્ચ - ભારત vs ઇંગ્લેન્ડ - માઉંટ માઉન્ગાનુઇ 
• 19 માર્ચ - ભારત vs ઓસ્ટ્રેલીયા - ઓકલેંડ 
• 22 માર્ચ - ભારત vs બાંગ્લાદેશ - હેમિલ્ટન 
• 27 માર્ચ - ભારત vs સાઉથ આફ્રિકા - ક્રાઈસ્ટચર્ચ 

આઈપીએલની 15મી સીઝનનો આગાઝ 26 માર્ચથી થશે, જેનું એલાન ભારતીય ક્રિકેટ કંટ્રોલ બોર્ડ કરી ચુક્યું છે. આ વખતે 8 ને બદલે 10 ટીમ લીગમાં ભાગ લેશે. આ ટી20 લીગ 26 માર્ચથી 29 મે વચ્ચે રમાશે. 

18 માર્ચથી દક્ષીણ આફ્રિકા તથા બાંગ્લાદેશ વચ્ચે 3 મેચની વન ડે સીરીઝ પણ શરુ થશે. જ્યારે પાકિસ્તાન તથા ઓસ્ટ્રેલીયા વચ્ચે પણ વન ડે સીરીઝ રાવલપિંડીમાં રમાશે. ઇંગ્લેન્ડ તથા વેસ્ટઇન્ડીઝ વચ્ચે વિઝડન ટ્રોફી ટેસ્ટ સીરીઝ 8 માર્ચથી શરુ થશે. વેસ્ટઇન્ડીઝની મેજબાનીમાં ઇંગ્લેન્ડ ટીમ 3 મેચની ટેસ્ટ સીરીઝ રમશે. સીરીઝની બીજી ટેસ્ટ મેચ બારબાડોસમાં 16 માર્ચથી રમાશે.