IPLIN
 
  • Home
  • Sports
  • Cricket
  • india will bowl first in pink ball test, bumrah and sundar is in

ક્રિકેટ / IND vs ENG: નરેન્દ્ર મોદી સ્ટેડિયમમાં ટેસ્ટના પહેલા દિવસની રમત પૂર્ણ, ભારતનો સ્કોર 3 વિકેટ પર 99 રન

Team VTV 08:20 PM, 24 Feb 21 | Updated: 10:26 PM, 24 Feb 21
Follow us
india will bowl first in pink ball test, bumrah and sundar is in

ભારત અને ઈંગ્લેન્ડ વચ્ચે ત્રીજી ટેસ્ટ મેચ શરુ થઈ ચૂકી છે. ઈંગ્લેન્ડે ટોસ જીતીને પહેલાં બેટીંગ કરવાનો નિર્ણય કર્યો છે. વિશ્વનાં સૌથી મોટા ક્રિકેટ સ્ટેડિયમ નરેન્દ્ર મોદી સ્ટેડિયમમાં આ મેચ ડે-નાઇટ યોજાશે. બંને ટીમો માટે આ સિરીઝ વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે ખૂબ અગત્યની છે.

  • ઈંગ્લેન્ડ ટોસ જીતી પહેલા બેટીંગ કરવાનો નિર્ણય લીધો 
  • ભારતની ટીમમાં બુમરાહ અને સુંદરની વાપસી
  • વિશ્વનાં સૌથી મોટા ક્રિકેટ સ્ટેડિયમનું ઉદઘાટન કરાયું

સ્ટંપ્સ સુધી ભારતનો સ્કોર 99-3

સ્ટંપ્સ સુધી ભારતે 3 વિકેટના નુકસાને 99 રન બનાવ્યા છે. રોહિત 57 અને રહાણે 1 રન બનાવીને અણનમ પરત ફર્યા. પહેલા દિવસે કુલ 13 વિકેટ પડી. 10 વિકેટ ઇંગ્લેન્ડ અને 3 વિકેટ ભારતને ગુમાવી છે.

ઈંગ્લેન્ડનો વળતો પ્રહાર

શુભમન ગીલ બાદ ચેતેશ્વર પૂજારાની વિકેટ પણ પડી. ભારતે સસ્તામાં બે વિકેટો ગુમાવી દીધી. જેક લીચની ઓવરમાં શૂન્યમાં ચેતેશ્વર પૂજારા આઉટ થયો ત્યારે ભારતનો સ્કોર 34-2 હતો.

 

ભારતની પહેલી વિકેટ પડી 

શુભમન ગીલની ધીમી ઈનિંગ 11 રનમાં સમેટાઈ, જોફ્રા આર્ચરની ઓવરમાં શુભમન જેક ક્રાઉલીને કેચ આપી બેઠો. ભારતની પહેલી ઈનિંગમાં 33 રન પર પહેલી વિકેટ પડી. 

ઈંગ્લેન્ડ 112 રનમાં સંકેલાઈ ગયુ 

અક્ષર પટેલે 6 વિકેટ સાથે ઈંગ્લેન્ડને 112 રનનાં નજીવા સ્કોરમાં ઓલઆઉટ કરી દીધી છે. ઈંગ્લેન્ડની ટીમમાં સર્વાધીક સ્કોર જેક ક્રાઉલી 53 રન રહ્યો. ઈંગ્લેન્ડની ટીમ શરુઆતથી નરેન્દ્ર મોદી સ્ટેડિયમની પીચ પર લડખડાતી જોવા મળી હતી. બીજા સેશનમાંજ ઈંગ્લેન્ડની ટીમ 112 રનમાં ધરાશાયી થઈ ગઈ છે. જેમાં ભારત તરફથી અક્ષર પટેલે 6 વિકેટ, રવિચંદ્રન અશ્વિને 3 વિકેટ, ઈશાંત શર્માએ 1 વિકેટ ઝડપી હતી.સ્ટુઅર્ટ બ્રોડ 3 રને આઉટ

સ્ટુઅર્ટ બ્રોડ 3 રને આઉટ

અક્ષર પટેલે ચેન્નાઈની બીજી ટેસ્ટનું ફોર્મ જાળવી રાખતા ત્રીજી ટેસ્ટમાં પણ ઉત્કૃષ્ટ પ્રદર્શન આપ્યુ છે. તેણે ઈંગ્લેન્ડની પાંચ વિકેટ ઝડપીને તેની મુશ્કેલીઓ વધારી દીધી છે. 3 રને રમતા સ્ટુઅર્ટ બ્રોડને અક્ષર પટેલનાં બોલ પર બુમરાહે કેચ પકડીને આઉટ કર્યો હતો. ત્યારે ઈંગ્લેન્ડનો સ્કોર 105-9 હતો. 

ઇંગ્લેન્ડને 8મો ઝટકો 

રવિચંદ્રન અશ્વિનની ઓવરમાં જેક લીચ સ્લીપમાં પુજારાનાં હાથમાં કેચ આપીને 3 રને આઉટ થયો. આ વિકેટ સાથે ઈંગ્લેન્ડ સામેની ત્રીજી ટેસ્ટની પહેલી ઈનિંગમાં અશ્વિને 3 વિકેટ ઝડપી હતી. 8 વિકેટ ગુમાવ્યા બાદ ઈંગ્લેન્ડનો સ્કોર 98 રને પહોંચ્યો હતો. 

અક્ષર પટેલે 4 વિકેટ ઝડપી

34મી ઓવરનાં બીજા બોલ પર ઈંગ્લેન્ડનાં ટેલેન્ડર જોફ્રા આર્ચરને અક્ષર પટેલે ક્લિન બોલ્ડ કર્યો. 11 રન પર રમી રહેલા જોફ્રા આર્ચરની વિકેટ ખેરવીને અક્ષર પટેલે 4 વિકેટ હાંસલ કરી છે. હાલ ઈંગ્લેન્ડનો સ્કોર 93 રન પર 7 વિકેટ છે.

 

અક્ષર અને અશ્વિનની ફિરકીમાં ઈંગ્લેન્ડ ફસાયુ

ટી બ્રેક બાદ પણ ઈંગ્લેન્ડની વિકેટ પડવાની ચાલુ રહી. ટી બ્રેક બાદ ફક્ત એક રન આગળ વધારીને ઈંગ્લેન્ડની ટીમે પાંચમી વિકેટ ગુમાવી દીધી. 27મી ઓવરનાં ચોથા બોલ પર અશ્વિનની ઓવરમાં ઓલી પોપ 1 રન પર ક્લિન બોલ્ડ થઈ ગયો હતો. ત્યારબાદ અક્ષર પટેલની ઓવરમાં 6 રને રમી રહેલો બેન સ્ટોક્સ પણ એલબીડબલ્યુ આઉટ થઈ જતા ઈંગ્લેન્ડની ટીમ પર સંકટ તોળાતુ જણાઈ રહ્યું છે. 

જેક ક્રાઉલી 53 રન બનાવી આઉટ થયો

પિન્ક બોલ ટેસ્ટનાં પહેલા દિવસનાં પહેલા સેશનમાં ઈંગ્લેન્ડ બેકફૂટ પર, 80 રન પર 4 વિકેટ ગુમાવી, અક્ષર પટેલે 53 રન પર રમી રહેલા જેક ક્રાઉલીની વિકેટ ખેરવીને ઈંગ્લેન્ડનાં સેટ બેટ્સમેનને પેવિલિયન ભેગો કરી દીધો છો. અક્ષર પટેલનાં નામે બે વિકેટ.

 

ઈંગ્લેન્ડ કેપ્ટન જો રુટ 17 રન બનાવી આઉટ

21મી ઓવરનાં પાંચમાં બોલ પર રવિચંદ્રન અશ્વિનની ઓવરમાં ઈંગ્લેન્ડનાં કેપ્ટન જો રુટની વિકેટ પડી ગઈ છે. જો રુટ 17 રન પર રમી રહ્યો હતો ત્યારે અશ્વિને તેને એલબીડબલ્યુ આઉટ કર્યો હતો. હાલ ઈંગ્લેન્ડનો સ્કોર 74-3 છે.

 

જેક ક્રાઉલીએ અર્ધશતક પૂરુ કર્યુ

શરુઆતી બે ઝટકા બાદ ઈંગ્લેન્ડની ટીમને જો રુટ અને ક્રાઉલીએ સંભાળી લીધી છે. ક્રાઉલીએ તેની ઈનિંગ આગળ વધારતા અર્ધશતક પૂરુ કરી દીધુ છે. તેણે 12 ટેસ્ટમાં ત્રીજુ અર્ધશતક પુરુ કર્યું છે. જેક ક્રાઉલી સાથે અંગ્રેજ કપ્તાન જો રુટ પણ 15 રને સાથ આપી રહ્યો છે.

અક્ષરે ઈંગ્લેન્ડને બીજો ઝટકો આપ્યો

પિન્ક બોલ ટેસ્ટનાં પહેલા સેશનમાં ઈંગ્લેન્ડની ટીમ મુશ્કેલીઓમાં જણાઈ રહી છે. સિબ્લીનાં શૂન્ય પર આઉટ થયા બાદ હવે જોની બેરસ્ટોની વિકેટ પણ શૂન્યમાં પડી ગઈ છે. છઠ્ઠી ઓવરનાં પહેલા બોલમાં અક્ષર પટેલે જોની બેરસ્ટોને શૂન્ય પર એલબીડબલ્યુ આઉટ કર્યો છે. હાલ ઈંગ્લેન્ડનો સ્કોર 6.1 ઓવરમાં 27 રન છે. 

ઈંગ્લેન્ડને પહેલો ઝટકો 

પોતાની 100મી ટેસ્ટ રમી રહેલા ઈશાંત શર્માએ ઈંગ્લેન્ડને પહલો ઝટકો આપી દીધો છે. તેણે ઈંગ્લેન્ડનાં ઓપનર બેટ્સમેનટ ડોમિનિક સિબ્લીને શૂન્ય પર આઉટ કરી દીધો છે. સ્લિપમાં ઉભા રહેલા રોહિત શર્માએ સિબ્લીનો કેચ પકડ્યો હતો. ત્રીજા ઓવરની ત્રીજી બોલ પર આ વિકેટ પડી હતી. સિબ્લીનાં આઉટ થયા બાદ જોની બોયરસ્ટો બેટીંગ પર આવ્યો છે અને ત્યારે ઈંગ્લેન્ડનો સ્કોર 3-1 હતો.

ભારત અને ઈંગ્લેન્ડ વચ્ચેની ત્રીજ મેચ માટે બંને ટીમોએ ફેરબદલ કર્યાં છે જેમાં ઈંગ્લેન્ડે 4 અને ભારતે 2 ફેરબદલ સાથે ટીમ ઉતારી છે. ભારતની ટીમમાં બુમરાહ અને વોશિંગ્ટન સુંદરે વાપસી કરી છે. 

ભારતની ટીમ - રોહિત શર્મા, શુભમન ગીલ, ચેતેશ્વર પુજારા, વિરાટ કોહલી(કેપ્ટન), અજિંક્ય રહાણે, રિષભ પંત (વિકેટ કીપર), વોશિંગ્ટન સુંદર, અક્ષર પટેલ, રવિચંદ્રન અશ્વિન, ઈશાંત શર્મા, જસપ્રીત બુમરાહ
ઈંગ્લેન્ડની ટીમ - ડોમિનિક સિબ્લી, જેક ક્રાઉલી, જોની બેયરસ્ટો, જો રુટ (કેપ્ટન), બેન સ્ટોક્સ, ઓલી પોપ, બેન ફોક્સ (વિકેટ કીપર), જોફ્રા આર્ચર, જેક લીચ, સ્ટુઅર્ટ બ્રોડ, જેમ્સ એન્ડરસન

 

મેચ પહેલા નરેન્દ્ર મોદી સ્ટેડિયમનું ઉદઘાટન કરવામાં આવ્યું
વિશ્વનાં સૌથી મોટા સ્ટેડિયમનું ઉદઘાટન દેશનાં રાષ્ટ્રપતિનાં હસ્તે કરવામાં આવ્યું. જે સ્ટેડિયમનું નામ પહેલા મોટેરા સ્ટેડિયમ હતું તેનું નામ બદલીને નરેન્દ્ર મોદી સ્ટેડિયમ કરવામાં આવ્યું છે. 

બંને ટીમો જીત માટે મરણીયો પ્રયાસ કરશે
ભારતીય ટીમ આ મેચ કોઈ પણ પ્રકારનું જોખમ ખેડ્યા વગર હારથી બચવા ઈચ્છશે. આગામી બે ટેસ્ટ મેચો બંને ટીમો માટે ખૂબ જરુરી છે જેથી બંને ટીમો જીત માટે મરણીયો પ્રયાસ કરશે. આ મેચોમાં જે પણ ટીમ હારશે તે ટીમને વર્લ્ડ ટેસ્ટ ચેમ્પિયનશિપની ફાઇનલમાં પહોંચવુ મુશ્કેલ બનશે. મોટેરનાં સ્ટેડિયમમાં નવા પ્રકારે તૈયાર કરાયેલ પીચ ભારતીય ટીમ માટે સંપૂર્ણ રીતે નવી રહેશે. અત્યારસુધી ભારતીય ટીમે પિન્ક બોલથી ફક્ત બે જ ટેસ્ટ મેચો રમી છે.

ઈશાંત રમશે તેની 100મી ટેસ્ટ 
આ મેચમાં ઈશાંત શર્મા તેની 100મી ટેસ્ટ મેચ રમશે. કપિલ દેવ બાદ આ ઉપલબ્ધિ હાંસલ કરનાર તે બીજો ભારતીય બોલર બનશે. સચિન તેન્ડુલકરે જ્યાં ટેસ્ટ મેચોમાં બેવડી સદી પૂરી કરી હતી ત્યાં રવિચંદ્રન અશ્વિન 400 વિકેટ લેનારનાં ક્લબમાં સામે થવાનો પ્રયાસ કરશે. જે ક્લબમાં સામેલ થવા માટે અશ્વિન ફક્ત 6 વિકેટ દૂર છે.

મોટેરા સ્ટેડિયમની ખાસિયતો 
800 કરોડથી પણ વધુના ખર્ચે તૈયાર કરાયું છે સ્ટેડિયમ        
ખેલાડીઓ માટે 4 ડ્રેસિંગ રૂમ તૈયાર કરાયા છે.        
સ્ટેડિયમમાં કુલ 1.32 લાખ લોકો સાથે મેચ જોઇ શકે છે        
કુલ 76 કોર્પોરેટ બોક્સ પણ તૈયાર કરવામાં આવ્યા છે        
મેદાન પર કુલ 11 પીચ છે જેને લાલ અને કાળી માટી દ્વારા તૈયાર કરવામાં આવી છે        
મેદાનમાં ફ્લડ લાઈટ્સની ઉંચાઈ 90 મીટર છે. એટલે કે 25 માળ ઉંચી બિલ્ડીંગ બરાબર        
આ મેદાનની નીચે સબ સર્ફેલ ડ્રેનેઝ સિસ્ટમ બનાવવામાં આવ્યું છે        
વરસાદ હોવાની સ્થિતિમાં મેદાનને ફરી 30 મિનિટમાં જ તૈયાર કરવામાં આવી શકે        
ક્રિકેટ સિવાય ફૂટબોલ, હોકી, ખોખો, કબડ્ડી, વોલીબોલ, બાસ્કેટબોલ, નેટબોલ, ટેનિસ, બેડમિન્ટન જેવી સ્પર્ધાઓ પણ યોજાય શકે છે

motera stadium ahmedabad NARENDRA MODI STADIUM INDvsENG test match pink ball મોટેરા સ્ટેડિયમ નરેન્દ્ર મોદી સ્ટેડિયમ પિન્ક બોલ અમદાવાદ ટેસ્ટ મેચ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ