કેપિટલ ઇકોનોમિક્સના એક અહેવાલમાં ઉલ્લેખ કરવામાં આવ્યો હતો કે ભારત ટૂંક સમયમાં વિશ્વની ત્રીજી સૌથી મોટી અર્થવ્યવસ્થા બની શકે છે
2028 સુધીમાં ભારત વિશ્વની સૌથી મોટી અર્થવ્યવસ્થા બની શકે
IMFના વર્લ્ડ ઇકોનોમિક ડેટાબેઝ મુજબ જર્મની-જાપાનને પાછળ છોડી શકે છે ભારત
તાજેતરમાં જ યુકેને હટાવીને ભારત વિશ્વની 5મી સૌથી મોટી અર્થવ્યવસ્થા બની છે
2028 સુધીમાં ભારત વિશ્વની સૌથી મોટી અર્થવ્યવસ્થા બનવા માટે જર્મની અને જાપાનને પાછળ છોડી શકે છે. એક રિપોર્ટમાં ઇન્ટરનેશનલ મોનેટરી ફંડ (IMF)ના વર્લ્ડ ઇકોનોમિક ડેટાબેઝને ટાંકીને આ વાત કહેવામાં આવી છે. અમેરિકા અને ચીન ટોચની 2 અર્થવ્યવસ્થાઓ બની રહેશે. મહત્વનું છે કે, તાજેતરમાં જ યુકેને હટાવીને ભારત વિશ્વની 5મી સૌથી મોટી અર્થવ્યવસ્થા બની છે.
કેપિટલ ઇકોનોમિક્સના એક અહેવાલમાં ઉલ્લેખ કરવામાં આવ્યો હતો કે ભારત ટૂંક સમયમાં વિશ્વની ત્રીજી સૌથી મોટી અર્થવ્યવસ્થા બની શકે છે. જોકે તે રિપોર્ટમાં કહેવામાં આવ્યું હતું કે ભારત 2028માં આ સિદ્ધિ હાંસલ કરશે. ભારત તમામ ઉભરતી અર્થવ્યવસ્થાઓમાં અગ્રેસર હશે. જે આગામી દાયકામાં કુલ વૈશ્વિક જીડીપીનો અડધો હિસ્સો ધરાવશે. અહેવાલ મુજબ રોગચાળા અને યુદ્ધના કારણે ફુગાવાએ મોટાભાગની વિકસિત અર્થવ્યવસ્થાઓને પાછળ ધકેલી દીધી છે અને તેમની પાસે વૃદ્ધિની સંભાવના ઘણી ઓછી છે.
જોકે એવું નથી કે વૈશ્વિક સ્થિતિએ ભારતને અસર કરી નથી. ઘણી રાષ્ટ્રીય-આંતરરાષ્ટ્રીય રેટિંગ એજન્સીઓ અને નાણાકીય સંસ્થાઓએ પહેલાથી જ ભારતના વિકાસ દરમાં ઘટાડો કર્યો છે. આમાં IMFના તાજેતરના અંદાજનો પણ સમાવેશ થાય છે. આમ છતાં ભારત આ વર્ષે અને આવતા વર્ષે સૌથી ઝડપથી વિકસતી અર્થવ્યવસ્થા બની રહેશે. IMF અનુસાર, ભારત 2022માં 6.8 ટકા અને 2023માં 6.1 ટકાના દરે વૃદ્ધિ પામશે.