ઈરાનિયન રિવોલ્યુશનરી ગાર્ડના કમાંડર મેઝર જનરલ કાસિમ સુલેમાની આ વર્ષે 3 જાન્યુઆરીએ અમેરિકન ડ્રોન હુમલામાં મોંત નિપજ્યું છે . હવે ઈન્ડિયન આર્મી આ ડ્રોનને પોતાની ટીમનો ભાગ બનાવવા માંગે છે.
અમેરિકન સ્ટીલ્થ ડ્રોનને પોતાની આર્મીનો ભાગ બનાવવા ઈન્ડિયન આર્મી તૈયારીમાં લાગી
રાષ્ટ્રપતિ ડોનાલ્ડ ટ્રમ્પની ભારત યાત્ર દરમિયાન આ મુદ્દા પર થઈ શકે છે વાત
ભારત- અમેરિકા વચ્ચે જો ડ્રોનની વાતચીત સફળ થશે તો ભારતને થશે મોટો ફાયદો
ઈન્ડિયન આર્મી પોતાનો હિસ્સો બનાવવા માંગે છે
અમેરિકાએ ઈરાની જનરલ કાસિમ સુલેમાનીને મારવા માટે જે સ્ટીલ્થ ડ્રોનનો ઉપયોગ કરવામાં આવ્યો તેને ઈન્ડિયન આર્મી પોતાનો હિસ્સો બનાવવા માંગે છે. ટોપના સરકારી સૂત્રોના જણાવ્યાનુંસાર અમેરિકન રાષ્ટ્રપતિ ડોનાલ્ડ ટ્રમ્પના ભારત પ્રવાસ દરમિયાન આ મુદ્દો ઉઠાવવામાં આવશે.
ઈરાનના સૈન્ય અધિકારીને મારવા માટે વાપર્યું હતું
સૂત્રોના જણાવ્યાનુંસાર, ‘અમારો રસ એ ડ્રોન ટેકનોલોજીમાં છે. જેને અમેરિકાની સ્પેશિયલ ફોર્સે ઈરાનના સૈન્ય અધિકારીને મારવા માટે વાપર્યું હતું. તેને ખાનગી રીતે લાવી શકાય છે અને રડાની નજરમાં આવેલા ટાર્ગેટને પતાવી શકાય છે.
આ ડ્રોનનો ઉપયોગ કરી શકે છે
સૂત્રોના જણાવ્યાનુંસાર જો સરકાર ભારત વિરોધી કામ કરી રહેલા સરહદ પારના જાણીતા નોન- સ્ટેટ- એક્ટર્સ પર આવી જ રીતે સ્ટ્રાઈક કરવાનો ઈરાદો હોય તો ભારત પોતાના લક્ષ્યને પહોંચી વળવા માટે આ ડ્રોનનો ઉપયોગ કરી શકે છે.
અમેરિકાની સાથે પ્રિડેટર ડ્રોન્સ ડીલ માટે પગલા ભરી શકે છે
જૈશ-એ- મૌહમ્મદનો સરગના મૌલાના મસૂદ અજહર અને લશ્કર-એ- તૈયેબાના પ્રમુખ સઈદ જેવા નોન-સ્ટેટ- એક્ટર્સ છે. જે પાકિસ્તાનની જમીન પરથી ભારત વિરોધી ઓપરેશનો પાર પાડે છે. સૂત્રોના જણાવ્યાનુંસાર ભારત અમેરિકાની સાથે પ્રિડેટર ડ્રોન્સ ડીલ માટે પણ પગલા ભરી શકે છે.
ઓસામા બિન લાદેનને મારવા સ્ટીલ્થ હેલીકોપ્ટરનો ઉપયોગ કરાયો હતો
ઉલ્લેખનીય છે કે 2011માં અલ કાયદા સરગના ઓસામા બિન લાદેનને પાકિસ્તાનમાં મારવા માટે અમેરિકાના નેવી સ્પેશિયલ ફોર્સિઝએ સ્પેશ્યલ સ્ટીલ્થ હેલીકોપ્ટરનો ઉપયોગ કર્યો હતો. લાદેન જે જગ્યાએ માર્યો ગયો તે ઈસ્લામાબાદ સ્થિત પાકિસ્તાની મિલિટ્રી એકેડમીથી વધારે દુર નહોતો.