ટી-૨૦ શ્રેણી જીત્યા બાદ ટીમ ઇન્ડિયા વિન્ડીઝ સામે ત્રણ મેચની વન ડે શ્રેણી રમવાની છે. આ શ્રેણીની શરૂઆત આવતી કાલે બપોરે ૧.૩૦ વાગ્યાથી ચેન્નઈમાં થશે. ચેન્નઈના સ્ટેડિયમમાં ટીમ ઇન્ડિયાનો વન ડે રેકોર્ડ ઘણો જ સારો રહ્યો છે, જ્યારે આ મેદાન પર વિન્ડીઝનો રેકોર્ડ એટલો જ ખરાબ રહ્યો છે. બંને દેશ વચ્ચે રમાયેલી ગત શ્રેણી ટીમ ઇન્ડિયાએ ૨-૦થી જીતી હતી અને વર્તમાન શ્રેણીમાં પણ ટીમ ઇન્ડિયા જ ફેવરિટ છે.
રવિવારે યોજાશે ટી-૨૦ની વનડે મેચ
ચેન્નઈમાં રેકોર્ડ ટીમ ઇન્ડિયાના પક્ષમાં
ચેન્નઈમાં ૧૨માંથી સાત મેચ જીતી છે ભારતીય ટીમ
બે વર્ષમાં ફક્ત એક જ મેચ હારી છે ટીમ ઇન્ડિયા
ભારતીય ટીમ છેલ્લાં બે વર્ષથી વિન્ડીઝ ટીમ પર વન ડે ક્રિકેટમાં પ્રભાવી રહી છે. બંને ટીમ વચ્ચે નવ વન ડે રમાઈ છે, જેમાં વિન્ડીઝની ટીમ ફક્ત એક જ મેચ જીતી શકી છે. વર્ષ ૨૦૧૮માં જ્યારે વિન્ડીઝની ટીમ ભારતના પ્રવાસે આવી હતી ત્યારે પાંચ મેચની શ્રેણીમાં ટીમ ઇન્ડિયાએ ત્રણ મેચ જીતી હતી, એક મેચ વિન્ડીઝે જીતી હતી અને એક મેચ ટાઇ થઈ હતી. ત્યાર બાદ ટીમ ઇન્ડિયાએ વિન્ડીઝને આઇસીસી વર્લ્ડકપમાં હરાવી અને પછી વિન્ડીઝ પ્રવાસમાં ત્રણ મેચની શ્રેણીમાંથી બે જીતી અને એક મેચ વરસાદને કારણે ધોવાઈ ગઈ હતી.
ચેન્નઈમાં ૧૨માંથી સાત મેચ જીતી છે ભારતીય ટીમ
જો ચેન્નઈની વાત કરવામાં આવે તો ટીમ ઇન્ડિયા ચેન્નઈમાં અત્યાર સુધીમાં કુલ ૧૨ મેચમાંથી સાત મેચ જીતી ચૂકી છે અને ચારમાં પરાજય થયો છે, એક મેચનું પરિણામ આવી શક્યું નહોતું. વિન્ડીઝની ટીમે આ મેદાન પર રમેલી છ મેચમાંથી માત્ર એક જ મેચમાં વિજય મેળવ્યો છે, બાકીની પાંચ મેચમાં વિન્ડીઝને હારનો સામનો કરવો પડ્યો છે.
પીચનો મિજાજઃ બેશક હાલની બંને ટીમ અલગ છે, પરંતુ ચેન્નઈની પીચનો મિજાજ કંઈક મદદ કરી શે છે. ચેન્નઈમાં રાતના સમયે ઝાકળ બહુ પડે છે. સામાન્ય રીતે ચેન્નઈમાં ગરમી બહુ હોય છે, પરંતુ આવતી કાલની મેચ ઠંડાં વાતાવરણમાં રમાશે. પીચ બેટ્સમેનો માટે અનુકૂળ હોય છે અને બીજી ઇનિંગ્સમાં બોલિંગ કરનારી ટીમના સ્પિનર્સને પીચમાંથી મદદ મળે છે. જોવાનું એ રહે છે કે બે મેચમાં જે રીતે પીચે પ્રથમ બેટિંગ કરનારી ટીમની મદદ કરી છે એવું આવતી કાલે બનશે કે કેમ?