રેકોર્ડ / ઇન્ડિઝને માત આપીને વિરાટ બન્યો 'ધ બેસ્ટ', ધોનીની કરી બરાબરી

રનના મામલામાં ટીમ ઇન્ડિયાની વિદેશી ધરતી પર સૌથી મોટી જીત છે. આ પહેલા વિદેશી ધરતી પર ટીમ ઇન્ડિયાને શ્રીલંકા વિરુદ્ઘ 2017માં 304 રનથી જીત મળી હતી. રનના આધાર પર ટીમ ઇન્ડિયાની ટેસ્ટ ક્રિકેટની ચોથી સૌથી મોટી જીત છે.

Terrific victory for #TeamIndia as they take a 1-0 lead in the series 🇮🇳🇮🇳 #WIvsIND pic.twitter.com/rbZcLhA0hf

— BCCI (@BCCI) August 25, 2019

સર વિવિયન રિચર્ડ્સ સ્ટેડિયમમાં ટીમ ઇન્ડિયાએ વેસ્ટ ઇન્ડિઝની સામે જીત માટે 419 રનનો ટાર્ગેટ આપ્યો હતો, પરંતુ કેરેબિયન ટીમ 100 રનમાં ઑલઆઉટ થઇ ગઇ. આ સીરિઝ વર્લ્ડ ટેસ્ટ ચેમ્પિયનશિપ હેઠળ રમાઇ રહી હતી. 2 ટેસ્ટ મેચની સીરિઝની પહેલી ટેસ્ટ જીતી લીધી છે.

આ સાથે જ વિરાટ કોહલીએ ગેમની સૌથી લાંબી ફોર્મેટમાં ટીમ ઇન્ડિયા માટે સૌથી વધારે રન જીત મેળવવા માટે મહેન્દ્ર સિંહ ધોનીના રેકોર્ડની બરાબરી કરી દીધી છે. વિરાટ કોહલીએ ટીમ ઇન્ડિયાના કેપ્ટન તરીકે 47 મેચમાં 27 જીત મેળવી છે. જ્યારે ધોનીએ 60 મેચમાં આટલી જીત મેળવી છે. આ સાથે જ વિરાટ કોહલી વિદેશી ધરતી પર સૌથી સફળ ટેસ્ટ કેપ્ટન બની ગયો છે. 

તો બીજી તરફ ત્રીજા સ્થાન પર સૌરવ ગાંગુલી છે, જેણે 49 ટેસ્ટમાંથી 21 મેચમાં જીત અપાઇ છે. ચોથા સ્થાન પર મોહમ્મદ અઝહરુદ્દીન છે, જેની કેપ્ટન્સીમાં ટીમ ઇન્ડિયાએ 47 મેચમાં 14 જીત મેળવી છે. 

વિરાટ કોહલીએ કેપ્ટન તરીકે વધુ એક રેકોર્ડ પોતાના નામે કર્યો છે. વિદેશી ધરતી પર સર્વાધિક જીત મેળવનારો ભારતીય કેપ્ટન બની ગયો છે, તેણે સૌરવ ગાંગુલીને પણ પાછળ છોડી દીધો છે. ગાંગુલીએ ભારતની બહાર 11 ટેસ્ટ મેચમાં જીત મેળવી હતી. જ્યારે કોહલીએ 26 મેચમાંથી 12 ટેસ્ટ મેચમી જીત મેળવીને આ રેકોર્ડ પોતાના નામે કર્યો છે. 

વિરાટ 2014માં બન્યો કેપ્ટન:

વિરાટ કોહલી સૌથી પહેલા ટેસ્ટ ટીમ માટે કેપ્ટન બન્યો હતો. 2014માં ઓસ્ટ્રેલિયા પ્રવાસ દરમિયાન ધોનીના ટેસ્ટ સંન્યાસ પછી વિરાટને કેપ્ટન્સી સોંપવામાં આવી હતી.

પોતાની કેપ્ટન્સીમાં વિરાટ કોહલીએ ટીમ ઇન્ડિયાએ ઓસ્ટ્રેલિયા, ઇંગ્લેન્ડ અને ન્યૂઝીલેન્ડમાં જીત અપાવી. જોકે સાઉથ આફ્રિકા અને ઇંગ્લેન્ડમાં ક્રમશ 1-2 અને 1-4થી હાર મળી. વિરાટે ગત વર્ષે ટીમ ઇન્ડિયાને ઓસ્ટ્રેલિયામાં 2-1થી ઐતિહાસિક જીત અપાવી હતી.

ટીમ ઇન્ડિયાનાએ હાલના પ્રવાસ પર ટેસ્ટ સીરિઝમાં 1-0થી આગળ છે. હવે ટેસ્ટ સીરિઝમાં વેસ્ટ ઇન્ડિઝના 2-0થી વ્હાઇટવૉશ કરવા માટે આવશે. 2 ટેસ્ટ મેચની સીરિઝની બીજી અને અંતિમ ટેસ્ટ 30 ઓગસ્ટથી 3 ઓગસ્ટ સુધી કિંગ્સટનમાં રમાશે. ઉલ્લેખનીય છે કે, વિરાટ બ્રિગેડે આ પ્રવાસમાં T-20 અને વન ડે સીરિઝ પર ક્રમશ: 3-0 અને 2-0થી જીત મેળવી છે.