રવિ શાસ્ત્રીએ પહેલી ટેસ્ટ મેચ જીત્યા બાદ એન્ટીગાના બીચથી એવો ફોટો શેર કર્યો હતો, પરંતુ એ સમયે એમનો હાથ ખાલી હતો. જ્યારે આજે એવો ફોટો શેર કર્યો છે જેને લઇને લોકો એને ટ્રોલ કરી રહ્યા છે.
વેસ્ટઇન્ડિઝની વિરુદ્ધ ટી20, વનડે અને ટેસ્ટ સીરિઝ જીત્યા બાદ ટીમ ઇન્ડિયા ભારત પરત આવવાની તૈયારી કરી રહ્યું છે. ટેસ્ટ સીરિઝની બીજી મેચ એક દિવસ પહેલા જ ખતમ કરવાના કારણએ ટીમ સહિત સ્ટાફને પણ જમૈકા ફરવાની તક મળી ગઇ. જેનો ટીમે પૂરો ફાયદો ઊઠાવ્યો. કોચ રવિ શાસ્ત્રી પણ વેસ્ટઇન્ડિઝના સફરનો જશ્ન મનાવવા જમૈકાના બીચ પર ગયા. તેઓએ બંને હાથ ફેલાયેલો પોતાનો એક ફોટો ટ્વિટર પર શેર કર્યો. જેમાં એમના એક હાથમાં દારૂનો ગ્લાસ નજરે આવી રહ્યો છે. શાસ્ત્રીએ કહ્યું કે જૈમકાની ગરમીને માત આપવા માટે ડાબા હાથમાં કંઇ છે.
બસ પછી શું ટ્રોલર્સને એક તક મળી ગઇ. ગત વખતે રવિ શાસ્ત્રીએ જ્યારે બંને હાથ ફેલાવીને એવો ફોટો શેર કર્યો હતો, તો એમના ખાલી હાથ હતા અને ટ્રોલર્સે ફોટો એડિટ કરતાં એમના હાથમાં ગ્લાસ અને બોટલ વગેરે પકડાવી દીધું હતું.
એન્ટીગાની ગરમીને જોતા શાસ્ત્રીએ કહ્યું હતું કે એમને જ્યુસની જરૂર છે, પરંતુ આ વખત એમના હાથ ખાલી નહતા.
આ વખતે ટ્રોલર્સે એમને જોરદાર નિશાના પર લીધા, કેટલાક ફેન્સે તો આવું ના કરવાની સલાહ આપી દીધી, એક યૂઝરે કહ્યું કે એમના કોચ એમને મોટાભાગે દારૂ જેવી ચીજોથી દૂર રહેવા માટે કહે છે.
તો એક યૂઝરે કહ્યું કે દરેક લોકો જાણે છે કે આ ગરમીને માત આપવા માટે પંચ નથી. તો કેટલાકે ચો એમને કોચ પદ પરથી હટાવવાની માગણી કરી દીધી. વિરાટ કોહલીની આગેવાનીમાં ટીમ ઇન્ડિયાએ વેસ્ટઇન્ડિઝ વિરુદ્ધ ટી20 અને ટેસ્ટ સીરિધમાં ક્લીન સ્વિપ કર્યું. તો બીજી બાજુ વન ડે સીરિઝ પણ પોતાને નામ કરી. સફળતાપૂર્વક વેસ્ટઇન્ડિઝનો પ્રવાસ ખતમ થયા બાદ વિરાટ કોહલીની ટીમ સામે હવે સાઉથ આફ્રિકાનો પડકાર છે, જે આ મહિને ભારત આવવાની છે અને 15 સપ્ટેમ્બરથી પોતાના અભિયાનની શરૂઆત કરશે.