ક્રિકેટ / જ્યારે મેચમાં ક્રિસ ગેલે બેટ પર હેલ્મેટ લગાવીને ફેન્સને ચોંકાવ્યા, લાગ્યુ જાણે રિટાયર થઇ ગયો

ત્રિનિદાદના પોટ ઑફ સ્પેનમાં ક્રિસ ગેલની હાફ સેન્ચુરી ઇનિંગ પછી ફેન્સે માની લીધુ કે 39 વર્ષના ગેલે પોતાની છેલ્લી ઇનિંગ રમી. ક્રિસ ગેલ વિશેષ જર્સીમાં બેટિંગ કરવા માટે આવ્યો હતો, જેના પર 301મો (ક્રિસ ગેલે રમેલી કુલ વનડે) નંબર હતો. 

એટલુ જ નહી, આઉટ થયા પછી ક્રિસ ગેલે જે રીતે ગ્રાઉન્ડમાં રહેલા તમામ ભારતીય પ્લેયર્સની સાથે હાથ મિલાવ્યો તે રીતે લાગ્યુ કે આ તેની છેલ્લી મેચ છે. ક્રિસ ગેલ આ પછી પવેલિયન પરત ફરતા સમયે પોતાના હેલમેટને બેટ પર લગાવી દીધુ. આજ કારણે કદાચ ત્યાં રહેલા તમામ લોકોને લાગ્યુ કે આ તેની છેલ્લી ઇનિંગ છે. પવેલિયન પરત ફરતા સમયે ત્યાં હાજર દર્શકોએ ઉભા થઇને તેનુ સ્વાગત કર્યુ. પરંતુ ગેલના મનમાં કંઇક બીજુ જ હતુ. 

🌴v 🇮🇳
Special Edition!👕 Number 301 today to mark his 301st ODI!😎 #WIvIND #MenInMaroon #ItsOurGame pic.twitter.com/5lRLMaD9kV

— Windies Cricket (@windiescricket) August 14, 2019

વાસ્તવમાં, ક્રિસ ગેલે વર્લ્ડકપ પછી સંન્યાસ લેવાની વાત કરી હતી. જોકે આ પછી તેણે પોતાનો નિર્ણય બદલતા ટીમ ઇન્ડિયા વિરુદ્ઘ ઘરેલૂ સીરિઝ રમવા ઇચ્છા વ્યકત કરી. ક્રિસ ગેલ ટીમ ઇન્ડિયા વિરુદ્ઘ ટેસ્ટ સીરિઝમાં નહતો રમ્યો, એવામાં હાલની વનડે સીરિઝની આ મેચમાં તેના ઇન્ટરનેશનલ કરિયરની છેલ્લી મેચ માનવામાં આવી રહી હતી. ઉલ્લેખનીય છે કે, આ ક્રિસ ગેલના કરિયરની 301મી મેચ હતી આજ કારણે તે 301 નંબરની જર્સી પહેરીને આવ્યો હતો. ક્રિસ ગેલે પોતાના 20 વર્ષ લાંબા કરિયરમાં 301 મેચોમાં 25 સેન્ચુરી અને 54 હાફ સેન્ચુરી સાથે 10480 રન કર્યા છે.

The question you've all been asking..has @henrygayle retired from ODI cricket?👀 #MenInMaroon #ItsOurGame pic.twitter.com/AsMUoD2Dsm

— Windies Cricket (@windiescricket) August 14, 2019

જોકે ક્રિસે ગેલે આ તમામ અટકળો પણ પૂર્ણવિરામ મૂકીને સ્પષ્ટ કરી દીધુ છે કે તેણે વનડે ક્રિકેટમાંથી સંન્યાસ લીધો નથી. ક્વીન્સ પાર્કમાં મેચ પૂરી થયા પછી જ્યારે ક્રિસ ગેલને પૂછવામાં આવ્યુ કે, ''શું તેણે વનડે ક્રિકેટમાંથી સંન્યાલ લીધો છે?''... તો ક્રિસે ગેલે જવાબ આપ્યો કે, ''ના મેં હજુ રિટાયરમેન્ટ લીધી નથી. આગામી સૂચના સુધી વેસ્ટ ઇન્ડિઝમાંથી રમતો રહીશ.''

વેસ્ટ ઈન્ડિઝે સીરિઝની અંતિમ વનડેમાં ટીમ ઇન્ડિયાને 35 ઓવરમાં 255 રનનો ટાર્ગેટઆપ્યો છે. વરસાદના લીધે વિલંબ પછી મેચ 35 ઓવરની કરવામાં આવી હતી. વિન્ડીઝે 35 ઓવરમાં 7 વિકેટ ગુમાવી 240 રન કર્યા હતી. વરસાદના લીધે 35 ઓવરમાં 255  ટાર્ગેટ પૂરવા માટે આવેલી ટીમ ઇન્ડિયાએ 15 બોલ બાકી રાખીને 6 વિકેટે મેચ જીતી હતી. વિરાટ કોહલીએ કેપ્ટન ઇનિંગ્સ રમતા કરિયરની 43મી સેન્ચુરી ફટકારી હતી. તેણે 99 બોલમાં 14 બાઉન્ડ્રીની મદદથી 114* રન કર્યા હતા. તેનો સાથે આપતા શ્રેયસ ઐયર 41 બોલમાં 5 સિક્સર્સ અને 3 બાઉન્ડ્રીની મદદથી 65 કરીને સતત બીજી મેચમાં હાફ સેન્ચુરી કરી હતી. બંનેએ ચોથી વિકેટ માટે 120 રનની પાર્ટનરશિપ કરી હતી.