ક્રિકેટ / મેચ બાદ કોહલીએ કર્યું કંઇક આવું, જીતી લીધું ચાહકોનું દિલ

ભારત અને વેસ્ટઇન્ડિઝની વચ્ચે જમૈકાના સબાઇના પાર્કમાં રમવામાં આવેલી બીજી ટેસ્ટ મેચના પહેલા દિવસે ભારતીય કેપ્ટન વિરાટ કોહલીએ પહેલા મેદાન પર અને પછી એની બહાર લોકોનું દિલ જીતી લીધું. એક બાજુ કોહલીએ 76 રનની ઇનિંન્ગ રમીને સ્ટંપ સુધી ભારતને મજબૂત સ્થિતમાં પહોંચાડી, તો બીજી બાજુ મેચ બાદ એને જે કર્યું, એના દરેક લોકો વખાણ કરી રહ્યા છે. બીસીસીઆઇએ એનો એક વીડિયો શેર કર્યો. 

વાસ્તવમાં મેચ બાદ એ ફેન્સની વચ્ચે ચાલ્યો ગયો અને એને ઑટોગ્રાફ આપીને ફોટો પડાવ્યા, આટલું જ નહીં ફેન્સને હાઇ ફાઇવ પણ આપ્યું. બીસીસીઆઇએ ટ્વિટ કર્યું કે વિરાટે ફોટો, ઑટોગ્રાફ, સ્માઇલ અને દિલ જીતી લીધું. 

Virat just being Virat 😊
Pics ✅
Autographs ✅
Smiles ✅
Winning hearts ✅ #TeamIndia @imVkohli pic.twitter.com/hiFQWw5MFs

— BCCI (@BCCI) August 30, 2019

વિરાટ કોહલી અને મયંક અગ્રવાલની હાફ સેન્ચ્યુરીના દમ પર ભારતે પહેલા દિવસની મેચ પૂર્ણ થવા સુધી પાંચ વિકેટના નુકસાન પર 264 રન બનાવી લીધા છે. 46 રન પર બે વિકેટ પડ્યા બાદ કોહલી અને અગ્રવાલએ ઇનિંન્ગ સંભાળી. બંને વચ્ચે ત્રીજી વિકેટ માટે 69 રનની ભાગીદારી થઇ. 

આ ઉપરાંત કોહલીએ પહેલી ટેસ્ટ મેચમાં સેન્ચ્યુરી કરનાર આજિંક્ય રહાણેની સાથે પણ 49 રનની ભાગીદારી કરી. રહાણે 24 રન બનાવી શક્યો. ભારતીય કેપ્ટને 163 બોલનો સામનો કર્યો, જેમાં એને 10 ચોગ્ગા ફટકાર્યા.