ટીમ ઇન્ડિયાએ વેસ્ટ ઇન્ડિઝે 3 મેચની T-20 સીરિઝની પહેલી મેચમાં 4 વિકેટથી માત આપીને 1-0થી આગળ છે.
ફ્લોરિડા (અમેરિકા)ના સેન્ટ્રલ બ્રોવાર્ડ રિજનલ પાર્ક સ્ટેડમિયમાં રમાયેલી મેચમાં ટૉસ હારીને પહેલા બેટિંગ કરવા માટે આવેલી વેસ્ટ ઇન્ડિઝની ટીમે 20 ઑવરમાં 9 વિકેટ ગુમાવીને 95 રન કર્યા અને ટીમ ઇન્ડિયાને જીત માટે 96 રનનો ટાર્ગેટ આપ્યો.વેસ્ટ ઇન્ડિઝની તરફથી કીરોન પોલાર્ડે સૌથી વધારે 49 રન કર્યા. ટીમ ઇન્ડિયાની માટે ડેબ્યૂ કરનાર નવદીપ સૈનીએ 3 વિકેટ પોતાના નામે કરી. 96 રનના ટાર્ગેટ પૂરો કરવા માટે આવેલી ટીમ ઇન્ડિયાએ 17.2 ઑવરમાં 6 વિકેટ ગુમાવીને 98 રન કર્યા અને આ મેચ 4 વિકેટથી પોતાના નામે કરી.
ટૉસ જીતીને ટીમ ઇન્ડિયાએ ફિલ્ડિંગ કરવાનો નિર્ણય કર્યો. વરસાદને કારણે પિચ બોલર્સને મદદ કરનારી હોવાને લીધે ટીમ ઇન્ડિયાએ તેને ફાયદો ઉઠાવ્યો. વિન્ડીઝે માત્ર 33 રનના સ્કોરે જ 5 વિકેટ ગુમાવી દીધી. કીરોન પોલાર્ડે 49 અને નિકોલસ પૂરને 20 રન કર્યા. આ સિવાય કોઇ કેરેબિયન બેટ્સમેન ડબલ ફિગર સુધી ના પહોંચી શક્યો. ટીમ ઇન્ડિયા માટે ડેબ્યૂ કરનારા નવદીપ સૈનીએ 17 રન આપીને 3 વિકેટ પોતાના નામે કરી. આ સિવાય ભુવનેશ્વર કુમારે 2 વિકેટ, જ્યારે વોશિંગ્ટન સુંદર, ખલીલ અહેમદ, રવિન્દ્ર જાડેજા અને કૃણાલ પંડ્યાએ 1-1 વિકેટ લીધી હતી. વિન્ડીઝે સતત ત્રીજી T-20માં 100થી ઓછા રન કર્યા છે.
ટાર્ગેટ પૂરો કરવા માટે આવેલી ટીમ ઇન્ડિયાની શરૂઆત નબળી રહી. શિખર ધવન માત્ર 1 રન પર આઉટ થઇ ગયો જે પછી ટીમે 32 રનના સ્કોરે રોહિત શર્મા અને રિષભ પંત પણ આઉટ થયો.જોકે પછી વિરાટ અને મનીષ પાંડેના 19-19 રન મદદથી ટીમ ઇન્ડિયાએ 6 વિકેટ ગુમાવીને 16 બૉલ બાકી રહેતા જીત મેળવી લીધી.