ક્રિકેટ / ભારતીય ટીમના 'ત્રિદેવ', જે સફળતાના સમયે દેખાતા નથી, પણ ઘણુ બધુ કરી જાય છે

• ભારતે શ્રીલંકાને 3 વન-ડે મેચની શ્રેણીમાં ક્લીન સ્વીપ કર્યુ
• જીત બાદ કોહલી ભારતીય ટીમના આ 'ત્રિદેવ'ને કેમેરાની સામે લઇ આવ્યાં
• ટીમની સફળતાના સમયે દેખાતા નથી, પરંતુ ઘણુ બધુ કરે છે 

વિરાટ કોહલી અને શુભમન ગિલે બંનેએ સદી ફટકારી

આ મેચમાં વિરાટ કોહલી અને શુભમન ગિલે બંને આક્રમક સદી ફટકારી. ગિલે 116 રન અને કોહલીએ અણનમ 166 રનની ઈનિંગ રમી. જીત બાદ કોહલી ભારતીય ટીમના એવા ત્રિદેવને કેમેરાની સામે લઇને આવ્યાં, જે ટીમની સફળતાના સમયે દેખાતા નથી, પરંતુ ઘણુ બધુ કરી જાય છે. બીસીસીઆઈએ તેનો વીડિયો પણ શેર કર્યો. 

કોહલી અને ગિલે સપોર્ટ સ્ટાફના ખૂબ વખાણ કર્યા

કોહલી અને ગિલે ભારતની જીતમાં સપોર્ટ સ્ટાફના ખૂબ વખાણ કર્યા. કોહલીએ કહ્યું કે થ્રો ડાઉન સ્પેશિયાલિસ્ટ રઘુ, નૌવાન અને દયાનુ નામ અને ચહેરો યાદ રાખવો જોઈએ. તેમની સફળતાની પાછળ આ ત્રણેયનો બહૂ મોટો હાથ છે. કોહલીએ કહ્યું કે ત્રણેય અમને દરરોજ વર્લ્ડ ક્લાસ પ્રેક્ટિસ કરાવે છે. 

.@imVkohli & @ShubmanGill reflect on the efforts put behind the scenes, courtesy this trio of throwdown specialists 👏 👏

You wouldn't want to miss this sneak peek into #TeamIndia's backstage heroes 👍 👍 - By @ameyatilak

Special Feature 🎥 🔽 #INDvSLhttps://t.co/SFYQKgKkW2 pic.twitter.com/zY0g2pjJHI

— BCCI (@BCCI) January 16, 2023

આકરો પડકાર આપે છે થ્રો ડાઉન સ્પેશિયાલિસ્ટ

કોહલીએ કહ્યું કે તેઓ અમને નેટ્સમાં 145, 150થી વધુની ઝડપથી બોલ ફેંકનારા બોલરની જેમ પડકાર આપે છે. તેમનો હંમેશા આ પ્રયાસ રહે છે કે નિયમિત રીતે આમ થાય. કોહલીએ કહ્યું કે મારી કારકિર્દીમાં મારા માટે આ અંતર છે. ભારતના સ્ટાર બેટરે કહ્યું કે રઘુ અંગે તો અમે ઘણી વાત કરીએ છીએ. નૌવાન શ્રીલંકાથી છે, પરંતુ હવે તેઓ ભારતીય વધુ થયા છે.