નિવેદન / ડબલ સેન્ચુરી ન થવાના વિવાદમાં જાડેજાએ પોતે જ કર્યો ખુલાસો, રોહિત નહીં આ છે મુખ્ય કારણ

• શ્રીલંકા સામે રવિન્દ્ર જાડેજાએ 175 રનની આક્રમક ઈનિંગ રમી
• ક્રિકેટપ્રેમીઓએ રોહિત શર્મા પર બેવડી સદી પૂર્ણ કરવાનો લગાવ્યો આરોપ
• જાડેજાએ જાતે ખુલાસો કર્યો, તેમણે કેમ બેવડી સદી પૂર્ણ ના કરી

રવિન્દ્ર જાડેજાએ જાતે કર્યો ખુલાસો

હવે રવિન્દ્ર જાડેજાએ આ વાતનો ખુલાસો કર્યો કે તેઓ પોતાની બેવડી સદી કેમ ના પૂર્ણ કરી શક્યા. રવિન્દ્ર જાડેજા સરળતાપૂર્વક શનિવારે શ્રીલંકા સામે બેવડી સદી ફટકારી શકતા હતા. પરંતુ આ ભારતીય ઓલરાઉન્ડરે ઈનિંગ જાહેર કરવાનો સંદેશ મોકલ્યો. કારણકે તેઓ ઈચ્છતા હતા કે તેમની ટીમ પણ આ વેરિએબલ બાઉન્સ અને ટર્નનો ફાયદો ઉઠાવી શકે. જાડેજાએ તેની ટેસ્ટ કારકિર્દીની બીજી સદી પૂર્ણ કરી અને કારકિર્દીનો સર્વોચ્ચ સ્કોર બનાવ્યો. જેનાથી ભારતીય ટીમે આઠ વિકેટે 574 રનની ઈનિંગ જાહેર કરી. તેમણે પોતાની ઈનિંગમાં 17 ચોગ્ગા અને ત્રણ છગ્ગા ફટકારી શ્રીલંકન આક્રમણને મજાક બનાવી નાખ્યું. 

જાડેજાની પાસે બેવડી સદી ફટકારવાની તક

રવિન્દ્ર જાડેજાની પાસે બેવડી સદી ફટકારવાની તક હતી. પરંતુ આ ખેલાડીએ કહ્યું કે તેઓ જાણતા હતા કે આ ઈનિંગ જાહેર કરવાનો આદર્શ સમય હતો. કારણકે તેનાથી તેમને પ્રતિસ્પર્ધી ટીમને મુશ્કેલીવાળી પરિસ્થિતિઓમાં એક સત્ર રમવાની તક મળતી. જાડેજાએ બીજા દિવસે રમત સમાપ્ત થયા બાદ કહ્યું, મેં તેમને જણાવ્યું કે પિચ પર વેરિએબલ બાઉન્સ છે અને બોલ પણ ટર્ન થતો હતો. તેથી મેં એક સંદેશ મોકલ્યો કે પિચ પરથી અમુક મદદ પ્રાપ્ત કરી શકાય.