જાડેજા ફરી એક વખત વિવાદમાં ICCએ કર્યો સસ્પેન્ડસ..

શ્રીલંકા સામે કોલંબોમાં બીજી ટેસ્ટ મેચ જીત્યા બાદ ઇન્ડિયન ટીમને મોટો ફટકો લાગ્યો છે. ઇન્ડિયન ટીમનો આ સ્ટાર લેફ્ટ આર્મ સ્પિનર સીરીઝનું ત્રીજુ અને છેલ્લું ટેસ્ટ મેચ રમી શકશે નહિ. આઇસીસીના કોડ ઓફ કન્ક્ટના ભંગના કારણે જાડેજાને આગામી ટેસ્ટમાંથી સસ્પેન્ડ કરવામાં આવ્યો છે. ઉલ્લેખનીય છે કે ત્રીજી ટેસ્ટ મેચ 12 ઓગસ્ટથી પલ્લેકેલમાં રમાશે.

હકીકતમાં કોલંબો ટેસ્ટ સહિત ગત 24 મહિનામાં જાડેજાની સામે ડિમેરિટ પોઇન્ટ 6 સુધી પહોંચી ગયુ હતું. ત્યાર પછી જ આઇસીસીએ જાડેજા સામે આ પગલું ભર્યું હતું. આઇસીસીની કાર્યવાહીના ભાગરૂપે મેચ ફીના 50 ટકા દંડ ઉપરાંત ત્રણ ડિમેરિટ પોઇન્ટ તેના પર લગાવામાં આવ્યા છે. જડેજાએ આઈસીસીની કલમ 2.2.8 ના ભંગ મામલામાં દોષી ગણાયો છે. તેનો સ્પષ્ટ અર્થ એ છે કે અયોગ્ય અથવા હાનિકારક રીતે કોઈ પણ ખેલાડી ખેલાડીની સહાયક ઐયર અથવા મેચ રેફરીની બાજુ બોલ અથવા કોઈ અન્ય સાધનો જેવા કે પાણીના બોટલ વગેરેને ફેંકવું ખોટું છે.

કોલંબો ટેસ્ટના ત્રીજા દિવસે જ્યારે શ્રીલંકાની ટીમ બીજી ઇનિંગ્સમાં ફોલોઅન રમવા ઉતરી ત્યારે શ્રીલંકાની ઇનિંગ્સની 58મી ઓવરમાં જાડેજાએ ક્રિઝ પર હાજર શ્રીલંકાના બેટસમેન દિમૂથ કરૂણારત્ને પર બિનજરૂરી થ્રો કર્યો હતો. જ્યારે બેટસમેને રન લેવાનો પ્રયાસ કર્યો ન હતો.

ઉલ્લેખનીય છેકે આ પહેલા જાડેજા પર આચાર સંહિતાની કલમ 2.2.11ના ભંગ મામલામાં ઓક્ટોબર 2016માં ન્યૂઝીલેન્ડ સામે ઇન્દોર ટેસ્ટ દરમિયાન 50 ટકા દંડની સાથે ત્રણ ડિમેરિટ પોઇન્ટ લગાવવામાં આવ્યા હતા. ત્યારે જડેજાને બે વખત અનૌપચારિક અને એક સત્તાવાર ચેતવણી પણ આપવામાં આવી હતી. તે ચોથી વખત પીચના સલામત ક્ષેત્રમાં જઇ તેને નુકસાન પહોંચાડ્યું. મેદાન પર હાજર ઓન ફિલ્ડ અમ્પાયરોએ માન્યું કે જાડેજાનો આ થ્રો બેટસમેન માટે ખતરનાક સાબિત થઇ શકતો હતો. ગ્રાઉન્ડ અમ્પાયર બ્રૂસ ઓક્સેનફોર્ડ અને રોડ ટકરે પોતાના રિપોર્ટ મેચ રેફરી રિચી રિચર્ડસનને આપી. ત્યાર બાદ જાડેજાએ ગુનો સ્વિકાર કર્યો હતો.
 
આ સસ્પેન્શન બાદ પણ જડેજાના ખાતામાં 6 ડિમેરિટ પોઇન્ટ રહેશે. આગળ જો 24 મહિનામાં આ સંખ્યા 8 કે તેથી વધુ થશે તો તે ચાર સસ્પેન્શન પોઇન્ટમાં બદલાઈ જશે. તેનો અર્થ એ છે કે સંબંધિત ખેલાડીઓને બે ટેસ્ટ અથવા ચાર વનડે ઇન્ટરનેશનલ અથવા તો આટલા જ ટી-20 ઇન્ટરનેશનલ મેચ- જે પહેલા આવે રમવા પર બેન લાગી જશે.