ભારતે શ્રીલંકાને ઈન્દોરના હોલકર સ્ટેડિયમમાં રમાયેલ બીજી ટી-20 ઇન્ટરનેશનલ મેચમાં 7 વિકેટથી હરાવીને ત્રણ મેચોની આ ટી-20 સીરીઝમાં 1-0થી લીડ મેળવી. ગુવાહાટીમાં સીરીઝની પ્રથમ ટી-20 મેચ વરસાદ અને ખરાબ હવામાનને લઇને રદ્દ કરવી પડી હતી.
ઇન્દોર ટી-20માં ભારત 7 વિકેટથી જીત્યું
ત્રણ મેચોની સીરીઝમાં 1-0થી લીડ મેળવી
બીજી ટી-20 મેચમાં ભારતે ધમાકેદાર જીત મેળવી લીધી છે. હવે 10 જાન્યુઆરીએ પુણેમાં આ સીરીઝનો અંતિમ મુકાબલો રમાશે. મહત્વનું છે કે, વરસાદના કારણે પ્રથમ મુકાબલો રદ્દ થયો હતો.
India vs Sri Lanka 2nd T20I: India win by 7 wickets; take a 1-0 lead in the series. pic.twitter.com/f3ycAsIo4T
ભારતે ટૉસ જીતીને પ્રથમ બોલિંગ કરવાનો નિર્ણય કર્યો હતો. બેટિંગ કરવા ઉતરેલી શ્રીલંકાની ટીમે 20 ઓવરમાં 9 વિકેટ ગુમાવીને 142 રન બનાવ્યા અને ભારતને જીત માટે 143 રનનો લક્ષ્યાંક આપ્યો. જેના જવાબમાં ભારતે 17.3 ઓવરમાં 144 રન બનાવી લક્ષ્ય હાંસલ કરી લીધું. હોલકર સ્ટેડિયમમાં ભારતીય ટીમે બીજી વખત આયોજિત ટી-20 ઇન્ટરનેશનલ મેચમાં શ્રીલંકાને હાર આપી છે.
ભારત માટે ઓપનર લોકેશ રાહુલે 45, શ્રેયસ અય્યરે 43, શિખર ધવને 32 અને વિરાટ કોહલીએ અણનમ 30 રનનું યોગદાન આપ્યું. શ્રીલંકા માટે હસરંગાએ 2 અને લાહિરૂએ 1 વિકેટ લીધી.
વિરાટે લગાવી વિનિંગ સિક્સ
કેપ્ટન વિરાટ કોહલીએ 18મી ઓવરના ત્રીજા બોલ પર વિનિંગ સિક્સ લગાવી. તેમણે લાહિરૂ કુમારાના બોલ પર લૉન્ગ લેગ દિશામાં શાનદાર સિક્સ લગાવી અને ટીમને જીત અપાવી. વિરાટે 17 બોલની પોતાની અણનમ ઇનિંગમાં 1 ફોર અને 2 સિક્સ લગાવી.