IND vs SL / 2nd Playing-11માં મોટો ફેરફાર: ઈજાગ્રસ્ત યુઝવેન્દ્ર ચહલ ટીમ ઈન્ડિયામાંથી આઉટ, ઇશાન અને સૂર્યકુમારનું શું થયું?

• ભારતીય ટીમની પ્લેઈંગ-11માં એક ફેરફાર કરવામાં આવ્યો
• કેપ્ટન રોહિત શર્માએ લેગ સ્પિનર યુઝવેન્દ્ર ચહલને બહાર કર્યો
• તેમની જગ્યાએ કુલદીપ યાદવને તક આપવામાં આવી 

લેગ સ્પિનર યુઝવેન્દ્ર ચહલને બહાર કરવામાં આવ્યો

ભારતીય ટીમ અને શ્રીલંકાની વચ્ચે ત્રણ મેચોની વન-ડે શ્રેણીની બીજી મેચ રમાઈ રહી છે. કોલકત્તાના ઈડન ગાર્ડન્સમાં રમાતી આ મેચ માટે ભારતીય ટીમની પ્લેઈંગ-11માં એક મોટો ફેરફાર થયો છે. લેગ સ્પિનર યુઝવેન્દ્ર ચહલને બહાર કરવામાં આવ્યો છે.  

કુલદીપ યાદવને પ્લેઈંગ-11માં તક આપવામાં આવી

ઉલ્લેખનીય છે કે ભારતીય કેપ્ટન રોહિત શર્માએ શ્રીલંકા સામે કોલકત્તા વન-ડે મેચ માટે પ્લેઈંગ-11માં એક ફેરફાર કર્યો છે. યુઝવેન્દ્ર ચહલને બહાર કરી ચાઈનામેન બોલર કુલદીપ યાદવને પ્લેઈંગ-11માં તક આપવામાં આવી છે. પરંતુ મોટી વાત એ છે કે ઈશાન કિશન અને સૂર્યકુમાર યાદવને બીજી મેચમાં પણ પ્લેઈંગ-11માં તક મળી નથી.

Sri Lanka have won the toss and elect to bat first in the 2nd ODI at Kolkata.

A look at our Playing XI for the game.

Live - https://t.co/jm3ulz5Yr1 #INDvSL @mastercardindia pic.twitter.com/DKNDtd6rYT

— BCCI (@BCCI) January 12, 2023

પહેલાની મેચમાં ઈજાગ્રસ્ત થયા હતા ચહલ 

ખરેખર, યુઝવેન્દ્ર ચહલ ઈજાગ્રસ્ત છે. આ જ કારણ છે કે તેમને આરામ આપવામાં આવ્યો છે. આ વાત કેપ્ટન રોહિત શર્માએ જાતે જણાવી છે. ટૉસ દરમ્યાન રોહિત શર્માએ કહ્યું કે શ્રેણીની પહેલી વન-ડે મેચમાં ફીલ્ડિંગ દરમ્યાન ચહલને ઈજા થઇ હતી. તેમણે ડાય મારી તે દરમ્યાન તેમને પોતાના જમણા ખભામાં ઈજા થઇ હતી. આ મેચ માટે ચહલ ફિટ નહોતા થઇ શક્યા. જેના કારણે તેમને બહાર કરવામાં આવ્યાં.