કટકઃ પ્રથમ ટી-20 મેચ કે જે કટકનાં બારામતી સ્ટેડિયમમાં રમાઈ હતી. આ મેચમાં ઇન્ડીયાએ શ્રીલંકાને 93 રને હરાવી દીધું છે. આ રનોને લીધે ઇન્ડીયાની સૌથી મોટી જીત છે.
તેની સાથે રોહિત બ્રિગેડે ટી-20 સીરીઝમાં ટીમ ઈન્ડિયા 3 મેચની T-20 સીરીઝમાં 1-0થી આગળ થઈ ગઈ છે. આ મેચમાં ટોસ જીતીને શ્રીલંકાએ પ્રથમ ફિલ્ડિંગ કરવાનો નિર્ણય કર્યો હતો અને પ્રથમ બેટિંગ ટીમ ઇન્ડીયાએ કરી હતી.
જેથી ટીમ ઇન્ડીયાએ શ્રીલંકાને જીત માટે 181 રનનો ટાર્ગેટ આપ્યો હતો. તેની સામે શ્રીલંકા 16 ઓવરમાં 87 રનમાં ઓલ આઉટ થઇ ગયુ હતું. ટીમ ઇન્ડીયા તરફથી યજુવેન્દ્ર ચહલે સૌથી વધુ સારી બેટિંગ કરતા 4 ઓવરમાં 23 રન આપીને 4 વિકેટ ઝડપી અને હાર્દિક પંડ્યાએ 3 અને કુલદિપ યાદવે 2 વિકેટ ઝડપી હતી.
જ્યારે બેટિંગ કરતા લોકેશ રાહુલે સૌથી વધુ રન કરતા 61 રન બનાવ્યાં હતાં. જ્યારે ધોનીએ 39 અને મનીષ પાંડેએ 32 રને તેઓ અણનમ રહ્યાં હતાં. તેમજ શ્રેયાસ અય્યરે 24 રન અને રોહિત શર્માએ 17 રન બનાવ્યાં હતાં. આ મેચમાં યજુવેન્દ્ર ચહલને "મેન ઓફ ધ મેચ" આપવામાં આવ્યો હતો.
રોહિત શર્માએ ટી-20માં પોતાનાં 1500 રન પુરા કરી લીધાં છે. શ્રીલંકા વિરૂદ્ધ 15 રન બનાવતા જ રોહિતે આ સિદ્ધિ હાંસલ કરી લીધી હતી.
આ સાથે જ તે ટીમ ઇન્ડીયા તરફથી ટી-20માં 1500થી વધુ રન બનાવનાર તે બીજો બેટ્સમેન બની ગયો હતો. આ સિવાય ટી-20માં ટીમ ઈન્ડિયા તરફથી સૌથી વધુ રન બનાવનાર ખેલાડી વિરાટ કોહલી છે. ઉલ્લેખનીય છે કે હાલમાં ટી-20 રેન્કિંગમાં ઇન્ડીયા પાંચમા નંબર પર છે.