ક્રિકેટ / IND vs SL: વર્ષના પ્રથમ મુકાબલામાં વરસાદ બન્યો વિઘ્ન, ભારત-શ્રીલંકાની ગુવાહાટી ટી-20 રદ્દ

• ભારતે મેચમાં ટૉસ જીતીને પ્રથમ બોલિંગ કરવાનો નિર્ણય કર્યો હતો
• વરસાદના કારણે મેદાન ઘણું પલળી ગયું
• મેદાનને ભીનું હોવાના કારણે મેચ રદ્દ કરવાનો નિર્ણય કર્યો

6:30 વાગ્યે ટૉસ થયો. ભારતે આ મુકાબલામાં ટૉસ જીતીને શ્રીલંકાને પ્રથમ બેટિંગ આપી. પરંતુ કેટલીક મિનિટો બાદ ઝરમર વરસાદ શરૂ થઇ ગયો, જ્યારબાદ મેચોમાં મોડું થઇ શકે છે, એવું જણાવાયું છે. પરંતુ સતત વરસાદના કારણે મેદાનનું પ્રથમ નિરીક્ષણ 8:15, બીજું 9:00 અને ત્રીજું નિરીક્ષણ 9:30 વાગ્યે કરવામાં આવ્યું.

જોકે, 9:46 કટ ઑફ ટાઇમ રાખવામાં આવ્યો હતો. આ સમયે જો મેચ શરૂ થાય તો બન્ને ટિમો વચ્ચેનો ખેલ પાંચ-પાંચ ઓવરની થઇ શકતી હતી, પરંતુ એવું ન થઇ શક્યું. વરસાદના કારણે મેદાન ઘણુ પલળી ગયું હતું. વરસાદ અટકી-અટકીને થતી રહી. બાદમાં અમ્પાયરો અને મેચ અધિકારીઓએ મેદાનને ભીનું હોવાના કારણે મેચ રદ્દ કરવાનો નિર્ણય કર્યો.

આ પહેલા ભારતીય કેપ્ટન વિરાટ કોહલી આ મેચમાં ટૉસ જીતીને પ્રથમ બોલિંગ કરવાનો નિર્ણય કર્યો. જણાવી દઇએ કે હવે બન્ને ટિમ વચ્ચે સીરીઝનો બીજો મુકાબલો સાત જાન્યુઆરીએ ઇન્દોરમાં રમાશે.

ટીમ
ભારત: વિરાટ કોહલી (કેપ્ટન), શિખર ધવન, લોકેશ રાહુલ, શ્રેયસ અય્યર, ઋષભ પંત (વિકેટકીપર), શિવમ દુબે, કુલદીપ યાદવ, જસપ્રીત બુમરાહ, શાર્દુલ ઠાકુર, નવદીપ સૈની અને વોશિંગ્ટન સુંદર.

શ્રીલંકા: લસિથ મલિંગા (કેપ્ટન), દનુષ્કા ગુનાથિલાકા, અવિષ્કા ફર્નાન્ડો, કુસલ પરેરા (વિકેટકીપર), ઓશાદા ફર્નાન્ડો, ભાનુકા રાજપક્ષે, ધનંજય ડી. સિલ્વા, દાસુન શનાકા, ઇસુરુ ઉદાના, વનિંદુ હસારંગા, લાહિરુ કુમારા.