બાપ રે બાપ / ભારે કરી! મેચની ટિકિટ લેવા માટે આવી પડાપડી? મહિલાઓએ એક-બીજાના ખેંચ્યા વાળ, જુઓ VIDEO

• ભારત-સાઉથ આફ્રિકા વચ્ચે 12 જૂને કટકમાં રમાશે મેચ
• ટિકિટ વેચાણને લઇને ઓડિશાના કટકમાં હોબાળો
• મહિલાઓ વચ્ચે થઇ મારામારી, પોલીસે કર્યો લાઠીચાર્જ

પોલીસે કર્યો હળવો લાઠીચાર્જ

કટકના બારાબતી સ્ટેડિયમમાં રવિવારે 12 જૂને યોજાનારી ટી20 મેચની ટિકિટો માટે વેચાણ ચાલુ છે. ગુરૂવારે પણ સ્ટેડિયમની બહાર કાળઝાળ ગરમીમાં પણ ટિકિટો માટે લાંબી કતાર જોવા મળી હતી અને આ દરમ્યાન વ્યવસ્થાની સમસ્યા ઉત્પન્ન થઇ ગઇ. જેના કારણે પોલીસે થોડો બળપ્રયોગ કરવો પડ્યો. એક વરિષ્ઠ અધિકારીએ તેની જાણકારી આપી. તેમણે કહ્યું કે કેટલીક મહિલાઓ આગળ આવી ગઇ. જેનાથી ટીકિટના વેચાણને લઇને હોબાળો થયો. ત્યારબાદ પોલીસે હળવો લાઠીચાર્જ કરવો પડ્યો. 

મહિલાઓ વચ્ચે મારામારી

સોશિયલ મીડિયામાં આ ઘટનાના વીડિયો સામે આવ્યાં. જેમાં બારાબતી સ્ટેડિયમની બહાર પણ લોકોનો જમાવડો મોટી સંખ્યામાં જોવા મળ્યો. મહિલા દર્શકો માટે ટિકિટ વેચાણની લાઈનમાં અચાનક બે-ત્રણ મહિલાઓ એકબીજા સાથે બાખડી પડી. જેણે સૌ કોઈને ચોંકાવી દીધા અને તેનાથી મોટો હોબાળો થયો. આ દરમ્યાન પોલીસકર્મીએ પણ મહિલાને છોડાવ્યાં. આ ઘટનાનો વીડિયો ખૂબ વાયરલ થયો છે. 

Uncontrollable queue of women for #2ndT20 tickets at #BarabatiStadium Cuttack. Long queue in extreme heat time. Violence erupted between women while standing in long time queues. Will these women watch the match? #INDvSA pic.twitter.com/m6rIoWhLuZ

— AJIT SAHANI (@2008Sahani) June 9, 2022

12 હજાર ટિકિટ, 40 હજાર ઈચ્છુક 

તો આ ઘટના અંગે પોલીસે જણાવ્યું કે ટિકિટની સંખ્યાથી વધારે લોકો હતા. પીટીઆઈએ અધિક જિલ્લા પોલીસ કમિશ્નર પ્રમોદ રથના હવાલેથી જણાવ્યું, લગભગ 40,000 લોકો કાઉન્ટર પર ઉપસ્થિત હતા. જ્યારે 12,000 ટિકિટ વેચાણ માટે લીધી હતી. પોલીસે આ દરમ્યાન હળવો બળ પ્રયોગ પણ કરવો પડ્યો. કારણકે ટિકિટ વેચાણની પ્રક્રિયા સુચારૂરૂપે થઇ શકે.