ભારત અને સાઉથ આફ્રિકા વચ્ચે 5 મેચોની સીરીઝનો અંતિમ મુકાબલો વરસાદના કારણે રદ્દ કરી દેવામાં આવ્યો છે. ટી-20 સીરીઝ 2-2ની સરસાઈથી પૂર્ણ થઇ.
વરસાદને કારણે બેંગ્લુરુ ટી-20 રદ્દ
ભારત-આફ્રિકા સિરિઝ 2-2ની બરાબરી પર પૂર્ણ
પહેલા 19-19 ઓવરની નક્કી થઇ હતી મેચ
ભારત અને સાઉથ આફ્રિકા વચ્ચે બેંગલુરૂમાં રમાયેલી 5મી ટી-20 મેચ પર સૌની નજર હતી, કારણ કે આ મેચથી સીરીઝના વિજેતા નક્કી થાત. પરંતુ વરસાદે તમામ મજા બગાડી નાખી છે અને મેચ રદ્દ કરી દેવામાં આવી છે. આની સાથે ભારત અને સાઉથ આપ્રિકા વચ્ચે રમાયેલી 5 મેચની ટી-20 સીરીઝ 2-2ના સ્કોર સાથે ડ્રો થઇ ગઇ છે.
માત્ર 3.3 ઓવર જ ફેંકાઈ
બેંગલુરૂમાં રમાયેલી ટી-20 મેચમાં સાઉથ આફ્રિકાએ ટોસ જીતીને બોલિંગ પસંદ કરી હતી. ટીમ ઇન્ડિયા બેટિંગ કરવા ઉતરી પરંતુ થોડીવારમાં વરસાદ શરૂ થઇ ગયો. આ મેચમાં માત્ર 3.3 ઓવર જ ફેંકી શકાઈ અને ટીમ ઇન્ડિયાનો સ્કોર 2 વિકેટના નુકસાન પર 28 રન જ રહ્યો.
પહેલા 19-19 ઓવરની નક્કી થઇ હતી મેચ
આફ્રીકન ટીમને અહીં પર મોટો ઝટકો લાગ્યો છે, કારણ કે કેપ્ટન તેંબા બાવુમા નહોતા રમ્યા. તેની જગ્યાએ કેશવ મહારાજ ટીમની કેપ્ટનશીપ કરી રહ્યા છે. બેંગલુરૂમાં વરસાદની અસર મેચ પર પણ પડી છે, મેચ 7ના બદલે 7:50એ શરૂ થઇ. આ સાથે બન્ને ઇનિંગથી 1-1 ઓવર ઘટાડી દીધી હતી, મેચને 19-19 ઓવરની કરી દેવામાં આવી હતી પરંતુ બાદમાં વરસાદ અટક્યો જ નહીં.
ભારતની ઇનિંગ
પહેલી વિકેટ- ઈશાન કિશન 15 રન, 1.6 ઓવર
બીજી વિકેટ- ઋતુરાજ ગાયકવાડ 10 રન, 3.2 ઓવર
ભારત-સાઉથ આફ્રિકા ટી-20 સીરીઝ
પહેલી ટી-20: સાઉથ આફ્રિકા 7 વિકેટથી જીત્યું
બીજી ટી-20: સાઉથ આફ્રિકા 4 વિકેટથી જીત્યું
ત્રીજી ટી-20: ભારત 48 રનથી જીત્યું
ચોથી ટી-20: ભારત 82 રનથી જીત્યું
પાંચમી ટી-20: મેચ વરસાદના કારણે થઇ રદ્દ
ભારતે આ વખતે પણ પોતાની પ્લેઈંગ-11માં કોઈ ફેરફાર નહોતો કર્યો, એટલે ઉમરાન મલિક, અર્શદીપસિંહ જેવા ખેલાડીઓને હજુ ડેબ્યૂ કરવા માટે રાહ જોવી પડશે.