ભારતમાં કોરોના વાયરસને લઈને એલર્ટ વધારી દેવામાં આવ્યું છે. આજથી શરૂ થનારી ભારત અને સાઉથ આફ્રિકાની વચ્ચેની વનડે સીરિઝને લઈને પણ કેટલાક ખાસ સૂચનો ભારતીય ખેલાડીઓને આપવામાં આવ્યા છે. આ સાથે જ BCCIએ ખેલાડીઓને માટે કોરોના વાયરસથી બચવા માટે ખાસ એડવાઈઝરી જાહેર કરી છે જેમાં સેલ્ફી ન લેવાની અને હાથ ન મિલાવવવાની સૂચના આપવામાં આવી છે.
BCCIએ જાહેર કરી એડવાઈઝરી
કોરોના વાયરસને લઈને ખેલાડીઓને કરાયા એલર્ટ
ખેલાડીઓને સેલ્ફી ન લેવાની અને હાથ ન મિલાવવાની સૂચના અપાઈ
કોરોના વાયરસનો ખતરો ભારત સહિત દુનિયાના અનેક દેશોમાં વધી રહ્યો છે. WHOએ કોરોનાને મહામારી જાહેર કર્યો છે. આ વાયરસના પ્રકોપની સાથે આજથી શરૂ થનારી ભારત અને સાઉથ આફ્રિકાની વનડે મેચ રમાશે. આ માટે બીસીસીઆઈએ ગઈકાલથી જ ખેલાડીઓ માટે એલર્ટ જાહેર કર્યું છે. આ સૂચનોને ખેલાડીઓએ ધ્યાનમાં રાખવાના રહેશે.
NEWS: Precautions against Coronavirus (COVID-19) during South Africa’s tour of India, 2020
BCCIના આધારે બોર્ડની મેડિકલ ટીમ કોરોના વાયરસની સામે લડવા માટે મોનિટરિંગ કરી રહી છે. દરેક ખેલાડીઓ, સપોર્ટ સ્ટાફ અને અન્ય અધિકારીઓને કોરોના વાયરસને માટે જાણકારી આપવામાં આવી છે.
BCCIએ જાહેર કરી આ એડવાઈઝરી, ખેલાડીઓ, સ્ટાફ અને અધિકારીઓએ ધ્યાન રાખવી આ વાતો
હાથને સાબુ અને પાણીથી 20 મિનિટ સુધી ધૂઓ.
હેન્ડ સેનિટાઈઝરનો ઉપયોગ કરો.
છીંક, ખાંસી આવે તો તરત જ મોઢું ઢાંકો.
તાવ, ખાંસી કે અન્ય બીમારી હોય તો તરત જ મેડિકલ ટીમનો સંપર્ક કરો.
મોઢું, ચહેરો, નાક, આંખને હાથ ધોયા વિના અડો નહીં.
રેસ્ટોરન્ટમાં ખાવાનું ખાવાથી બચો. અહીં સાફ સફાઈનું ઓછું ધ્યાન રાખવામાં આવે છે.
ટીમના ખેલાડીઓએ અન્ય લોકોના સંપર્કથી દૂર રહેવું, કોઈની સાથે હાથ ન મિલાવવો અને જાણીતા લોકો સિવાયના લોકો સાથે સેલ્ફી લેવાનું ટાળવું.
આ લોકોને પણ અપાયા ખાસ સૂચનો
ખેલાડીઓની સાથે સાથે એરલાઈન્સ, ટીમ હોટલ, રાજ્ય ક્રિકેટ એસોસિયેશન, મેડિકલ ટીમની સાફ સફાઈના નિર્દેશ પણ આપવામાં આવ્યા છે. ટીમના આવતા પહેલાં ડ્રેસિંગ રૂમ, હોટલ સહિત અનેક સ્થાનોએ સાફ સફાઈનું ધ્યાન રાખવામાં આવે.
દર્શકો માટે પણ જાહેર કરવામાં આવ્યા છે ખાસ સૂચનો
સ્ટેડિયમમાં મેચ જોવા આવનારા દર્શકોને પણ બોર્ડની તરફથી કેટલીક વાતો જણાવવામાં આવી રહી છે. તેમાં જો કોઈ વ્યક્તિને તકલીફ જણાય તો તેઓ મેદાનમાં મેડિકલ ટીમનો સંપર્ક કરી શકે છે. આ સિવાય સ્ટેડિયમમાં પોસ્ટર્સની મદદથી પણ લોકોને કેટલીક વાતોની જાણકારી અપાશે, દરેક પબ્લિક વોશરૂમમાં સેનેટાઈઝર અને સાબુ પણ રાખવામાં આવ્યા છે જેનો કોઈ પણ વ્યક્તિ ઉપયોગ કરી શકે છે.