આદેશ / ના સેલ્ફી લો- ના હાથ મેળવો, વનડે સીરિઝને લઇને BCCI એ ખેલાડીઓને આપ્યો આદેશ

• આજથી ટીમ ઇન્ડિયા અને સાઉથ આફ્રિકા વચ્ચે વનડે સીરિઝ
• કોરોના વાયરસને લઇને ખેલાડીઓને કર્યા એલર્ટ
• BCCI એ જારી કર્યા નિર્દેશ

BCCI ની તરફથી બુધવારે સાંજે કેટલીક સાવધાનીઓ જાહેર કરવામાં આવી છે, જેનું મેચ દરમિયાન ખેલાડીઓ ધ્યાન રાખવુ પડશે. BCCI ના નિવેદન અનુસાર, બોર્ડની મેડિકલ ટીમ કોરોના વાયરસને પહોંચી વળવા માટે મોનિટરિંગ કરી રહી છે. તમામ ખેલાડીઓ, સપોર્ટ સ્ટાફ અને અન્ય અધિકારીઓને કોરોના વાયરસને અંગે જાણકારી આપવામાં આવી છે.

NEWS: Precautions against Coronavirus (COVID-19) during South Africa’s tour of India, 2020

More details here https://t.co/lMQxmnn2OR pic.twitter.com/GPcgzlCBWZ

— BCCI (@BCCI) March 11, 2020

BCCI ખેલાડીઓને આપેલા આદેશ:

- હાથને સાબુ અને પાણીથી લગભગ 20 સેકન્ડ સુધી ધોવુ.

- હેન્ડ સેનિટાઇઝરનો ઉપયોગ કરો.

- ખાંસી અને છીંક દરમિયાન મોં જરૂરથી ઢાંકો

- જો તાવ, ખાંસી અથવા તો કોઇ બીજી બિમારી છે તો તરત જ મેડકિલ ટીમને સંપર્ક કરો.

- મોં, ચહેરો, નાક, આંખને વગર હાથ ધોયે ના અડો.

- ટીમ બહારી લોકોના સંપર્કથી બચે, આ દરમિયાન હાથ ના મીલાવે અને ઓળખ વગરના લોકો સાથે સેલ્ફી ના લે.

ખેલાડીઓની સાથે સાથે એરલાયન્સ, ટીમ હોટલ, રાજ્ય ક્રિકેટ એસોસિયેશન, મેડિકલ ટીમને સાફ-સફાઇ કરવાનો આદેશ આપવામાં આવ્યો છે. ટીમમાં આવતા પહેલા ડ્રેસિંગ રૂમ, હોટલ સહિત અન્ય સ્થાનો પર આ વાતોનું ધ્યાન રાખવામાં આવે અને સતત સાફ-સફાઇ કરવામાં આવે.

3 વનડે મેચનું શેડ્યૂલ
પહેલી મેચ- 12 માર્ચે ધર્મશાલામાં બપોરે 1.30 વાગ્યાથી

બીજી મેચ - 15 માર્ચે લખનઉમાં બપોરે 1.30 વાગ્યાથી

ત્રીજી મેચ- 18 માર્ચે કોલકાતામાં બપોરે 1.30 વાગ્યાથી 

સાઉથ આફ્રિકા વિરુદ્ઘ ટીમ ઇન્ડિયા 

શિખર ધવન, પૃથ્વી શૉ, વિરાટ કોહલી (કેપ્ટન), લોકેશ રાહુલ, મનીશ પાંડે, શ્રેયસ ઐયર, રિષભ પંત (વિકેટકીપર), હાર્દિક પંડ્યા, રવીન્દ્ર જાડેજા, ભુવનેશ્વર કુમાર, યજુવેન્દ્ર ચહલ, જસપ્રીત બુમરાહ, નવદીપ સૈની, કુલદીપ યાદવ અને શુભમન ગિલ.