INDvsPAK / T20 World Cup : ટીમ ઇન્ડિયાની પાકિસ્તાન સામે શરમજનક હાર, બાબરે ભારતની જીતની પરંપરા અટકાવી

• ટી20 વર્લ્ડ કપમાં પાકિસ્તાનની 10 વિકેટથી જીત થઇ
• ભારતે 20 ઓવરમાં 151 રન બનાવ્યા હતા
• બાબર આઝમ અને મોહમ્મદ રિઝવાનની જોડી અણનમ રહી

T20 વર્લ્ડ કપમાં આજે ભારત અને પાકિસ્તાનની ટીમ આમને-સામને હતી. દુબઈ ઇન્ટરનેશનલ સ્ટેડિયમમાં પાકિસ્તાનના કેપ્ટન બાબર આઝમે ટૉસ જીતીને ભારતે પહેલા બેટિંગ કરી હતી. ભારતે 20 ઓવરમાં 7 વિકેટ ગુમાવીને 151 રન બનાવ્યા હતા. પાકિસ્તાનને જીત માટે 152 રનનો લક્ષ્યાંક આપ્યો હતો. ટીમ ઇન્ડિયાની પાકિસ્તાન સામે શરમજનક હાર થઇ છે. બાબરે ભારતની જીતની પરંપરા અટકાવી છે. પાકિસ્તાને ભારતને 10 વિકેટથી હરાવ્યું છે.

5 મેચ ભારત અને 1 પાકિસ્તાન જીત્યું

T20 વર્લ્ડકપની પહેલી જ મેચમાં ભારતની હાર થઇ છે. ત્યારે આ પાકિસ્તાન ટીમની કોઇ પણ વર્લ્ડકપમાં ભારત સામે મેચ નહોતી જીતી, પરંતુ આ મેચ પહેલી છે જેમાં પાકિસ્તાનની જીત થઇ છે. ટી-20 વર્લ્ડકપમાં બન્ને વચ્ચે 6 મુકાબલા થયા છે. જેમાંથી 5 ભારત અને પાકિસ્તાને 1 મેચ જીતી છે.

13 બોલ બાકી રહેતા પાકિસ્તાને જીતી મેચ

બાબર આઝમ અને મોહમ્મદ રિઝવાને શાનદાર બેટિંગ કરી અને ટીમને જીત અપાવ્યા બાદ શ્વાસ લીધો. રિઝવાન 55 બોલ પર 79 રન અને બાબર 52 બોલ પર 68 રન બનાવીને અણનમ રહ્યા. 
 

Match 16. It's all over! Pakistan won by 10 wickets https://t.co/eNq46RHDCQ #INDvPAK #T20WC

— BCCI (@BCCI) October 24, 2021

ભારતને ન મળી એકપણ વિકેટ

બાબર આઝમ અને મોહમ્મદ રિઝવાનની ઓપનિંગ જોડી અણનમ રહી છે. ભારતીય બોલરો પાકિસ્તાનની એકપણ વિકેટ ન લઇ શક્યા.

ભારતના બેટ્સમેન અને બોલરનો ધબડકો

એક તરફી મેચ થઇ ગઇ હતી. જેમાં ભારતની શરમજનક હાર થઇ છે. એક બાદ એક ભારતીય બેટ્સમેનની વિકેટ પડી રહી હતી. તો પાકિસ્તાનની ઇનિંગ વખતે ભારત એક પણ વિકેટ ન લઇ શક્યું.

ટૉસ હારીને પ્રથમ બેટિંગ કરતા ભારતે 7 વિકેટ પર 151 રન બનાવ્યા હતા. જેના જવાબમાં પાકિસ્તાનની ટીમે 17.5 ઓવરમાં 152 રન બનાવીને મેચ જીતી લીધી.