લ્યો બોલો / ક્રિકેટ ફેન્સની દિવાળી સુધરી: ભારત-પાકિસ્તાનની વર્લ્ડ કપ મેચની તમામ ટિકિટ 3 મહિના પહેલા જ વેચાઈ

• ટી-20 વર્લ્ડ કપમાં ભારત અને પાકિસ્તાન વચ્ચે થશે કાટાની ટક્કર
• આ મેચ દિવાળીના એક દિવસ પહેલા 23 ઓક્ટોબરે રમાશે
• ત્રણ મહિના પહેલા મેચની લગભગ બધી ટીકિટ્સ વેચાઇ ગઇ

ભારત-પાકિસ્તાન મેચની બધી ટીકિટ્સ વેચાઈ ગઇ

આ મેચ દિવાળીના એક દિવસ પહેલા 23 ઓક્ટોબરે રમાશે. પરંતુ તેના ત્રણ મહિના પહેલા મેચની લગભગ બધી ટીકિટ્સ વેચાઇ ગઇ છે. અત્યારથી આ મેચ હાઉસફૂલ થઇ છે. આ માહિતી ટુરીઝમ ઓસ્ટ્રેલિયા અને અન્ય ઘણા ટ્રાવેલ એજન્ટ્સ દ્વારા સામે આવી છે. મહત્વનું છે કે ચાલુ વર્ષે ઓક્ટોબર-નવેમ્બરમાં ઓસ્ટ્રેલિયાની મેજબાનીમાં ટી-20 વર્લ્ડ કપ રમાશે. ટુર્નામેન્ટની શરૂઆત 16 ઓક્ટોબરથી થશે. જેનો ખિતાબી મુકાબલો ફાઈનલ 13 નવેમ્બરે થશે. જણાવવામાં આવ્યું છે, ફાઈનલ મેચની ટિકિટ્સ પણ બધી વેચાઈ ગઇ છે.  

23 ઓક્ટોબરે મેલબર્ન ક્રિકેટ ગ્રાઉન્ડમાં રમાશે

ભારત અને પાકિસ્તાન ટીમો ટુર્નામેન્ટમાં પોતાની પહેલી મેચ એકબીજા સામે રમશે. આ મેચ 23 ઓક્ટોબરે મેલબર્ન ક્રિકેટ ગ્રાઉન્ડમાં રમાશે. તો તેની પહેલા પણ આ બંને ટીમો વધુ એક મેચ રમશે. આ મેચ એશિયા કપ હેઠળ રમવામાં આવશે. જો કે, હજી સુધી તેનુ શેડ્યુલ જાહેર કરવામાં આવ્યું નથી. 

45 થી 50 હજાર ક્રિકેટ પ્રેમીઓ બહારથી આવશે

ગ્લોબલ સ્પોર્ટ્સ ટ્રાવેલ કંપની મુજબ અમારા રેકોર્ડના હિસાબ પ્રમાણે અત્યાર સુધી 40 ટકા પેકેજ ભારતમાં ખરીદવામાં આવ્યાં છે. નોર્થ અમેરિકામાં 27 ટકા, ઓસ્ટ્રેલિયામાં 18 ટકા અને ઈંગ્લેન્ડ સહિત બાકી દેશોમાં 15 ટકા પેકેજ ખરીદવામાં આવ્યાં. મેલબર્નમાં હોટલ્સ રૂમ પહેલાથી વેચાઇ ગયા છે. ભારત-પાકિસ્તાન મેચ માટે મેલબર્નમાં 45 થી 50 હજાર ક્રિકેટ પ્રેમીઓ બહારથી આવવાના છે. સામાન્ય ટીકિટ થોડીવારમાં વેચાઇ ગઇ. જ્યારે VIP ટીકિટ્સ પણ હવે થોડી બચી છે.