WC 2019 / Ind vs Pak : પાકિસ્તાન પર 'સર્જીકલ સ્ટ્રાઇક', 89 રને ટીમ ઈન્ડિયાનો ભવ્ય વિજય

વર્લ્ડ કપ 2019ની ઓલ્ડ ટ્રેફર્ડ મેદાનમાં રમાયેલ ભારત વિરુદ્ધ પાકિસ્તાનની મેચમાં ભારે રસાકસી બાદ ભારતે સાતમી વખત પાકિસ્તાનને કારમો પરાજય આપ્યો હતો, ઉલ્લેખનીય છે કે, શરૂઆતના તબક્કામાં મેચમાં ખુબ જ રસાકસી જામી હતી.

પ્રથમ દાવમાં ભારતે પાંચ વિકેટ ગુમાવીને પાકિસ્તાનને 337 રનનો લક્ષ્યાંક આપ્યો હતો. જો કે, 35 ઓવર બાદ વરસાદનું વિઘ્ન નડતા 40 ઓવરની મેચ થઇ હતી જેમાં પાકિસ્તાનને 302 રનનો ટાર્ગેટ મળ્યો હતો પરંતુ પુરો નહીં થતાં ફરી એકવાર પાક હાર્યું હતું. 

ભારતે સતત સાતમી વખત પાકને વિશ્વ કપમાં પરાજય આપતા દેશમાં દિવાળી જોવા માહોલ જોવા મળ્યો હતો. ખાસ કરીને ગુજરાતના ક્રિકેટ પ્રેમઓ આ જીતથી ખુશ થઇને રસ્તાઓ પર આવી ગયા હતા અને ફટાકટા ફોડીને જીતનો જશ્ન મનાવ્યો હતો. 

પાકિસ્તાનનો ધબડકો 12 રનમાં 4 વિકેટ ગુમાવી

મોહમ્મદ હાફિઝ અને શોએબ મલિક પંડ્યાની એક જ ઓવરમાં આઉટ થયા હતા. હાફિઝ પંડ્યાની બોલિંગમાં ફ્લીક કરવા જતાં ડીપ-સ્કવેર લેગ પર શંકરના હાથે કેચ આઉટ થયો હતો. જયારે મલિક પ્રથમ બોલે ઇનસાઇડ એજમાં બોલ્ડ થયો હતો. પાકિસ્તાનની ટીમ પોતાના ખરાબ શોટ સિલેક્શન થકી 117/1થી 129/5ની પરિસ્થિતિમાં આવી ગયું છે.

ભુવનેશ્વરની ઇજા પાકિસ્તાનને ભારે પડી

5મી ઓવરમાં ભુવનેશ્વરની હેમસ્ટ્રીંગ ખેંચાઈ જતા તે સારવાર માટે પેવેલિયન ગયો હતો. કોહલીએ તેની ઓવર પૂરી કરાવવા શંકરને બોલ આપ્યો હતો અને શંકરે પ્રથમ બોલમાં જ ભારતને સફળતા અપાવી હતી. ઇમામ ઉલ હક તેની બોલિંગમાં એલબીડબ્લ્યૂ થયો હતો. તેણે 18 બોલમાં 7 રન કર્યા હતા.

ભારતે પ્રથમ દાવમાં 336 રન કર્યા

વર્લ્ડકપની 22મી મેચમાં માન્ચેસ્ટરના ઓલ્ડ ટ્રેફોર્ડ ખાતે ભારતે પાકિસ્તાનને મેચ જીતવા 337 રનનો લક્ષ્યાંક આપ્યો છે. ભારતે પ્રથમ દાવમાં 5 વિકેટ ગુમાવી 336 રન કર્યા છે. લોકેશ રાહુલ અને રોહિત શર્માએ શાનદાર શરૂઆત અપાવતા પ્રથમ વિકેટ માટે 136 રન જોડ્યા હતા. તે ભારત માટે વર્લ્ડકપમાં પાકિસ્તાન વિરુદ્ધ 100 રનની ભાગીદારી કરનાર પ્રથમ જોડી બની છે. રાહુલ 57 રને આઉટ થયો હતો, જયારે રોહિતે 111 બોલમાં 140 રનની ઇનિંગ્સ રમી હતી. જયારે ભારતીય કેપ્ટન વિરાટ કોહલીએ 65 બોલમાં 77 રન કર્યા હતા. આ ભારત-પાકિસ્તાન વર્લ્ડકપ મેચમાં સર્વાધિક સ્કોર છે.

રોહિત-કેએલ રાહુલની ઐતિહાસિક ભાગિદારી
ઓપનિંગ બેટ્સમેન રોહિત શર્મા (140) અને કેએલ રાહુલની (57) ને કારણે ભારતની મજબુત શરૂઆત કરી હતી. પ્રથમ વિકેટ માટે રોહિત અને રાહુલની જોડીએ 136 રન જોડ્યા. રોહિત શર્મા 113 બોલમાં 140 રન બનાવ્યા. જ્યારે  રાહુલે 78 બોલમાં 57 રન બનાવ્યા હતા. ભારતનો સ્કોર 23 રનના અંતે એક પણ વિકેટ વિના 135 થયો હતો. ભારતે રાહુલના સ્વરૂપે પ્રથમ વિકેટ ગુમાવી. કેએલ રાહુલ 23મી ઓવરમાં 78 રને આઉટ થયો. આ સમયે ભારતનો સ્કોર એક વિકેટના નુકશાન 136 હતો.

100 for Rohit Sharma!

His second in just three #CWC19 innings 💪 #CWC19 | #TeamIndia | #INDvPAK pic.twitter.com/KKMq1Ft1MG

— Cricket World Cup (@cricketworldcup) June 16, 2019

રોહિત શર્માની ધમાકેદાર બેટિંગ 
પાકિસ્તાન સામે રોહિત શર્માએ ધમાકેદાર બેટિંગ કરતા 113 બોલમાં 140 રન ફટકારી નાંખ્યા. આ સમયે ભારતનો સ્કોર એક વિકેટના નુકશાને 177 થયો હતો. અહીં રોહિતે ઘણા રેકોર્ડ બનાવ્યા. રોહિતે પાકિસ્તાન વિરુદ્ધ વર્લ્ડ કપ મેચમાં સૌથી વધારે ભાગીદારી નોંદાવવાનો ઇતિહાસ બનાવ્યો. 140 રન દ્વારા રોહિતે ભારતની સ્થિતિ મજબુત કરી. રોહિત શર્માએ 85 બોલમાં સદી ફટકારી હતી. 

122* v 🇿🇦
57 v 🇦🇺
50* v 🇵🇰 today

The Hitman continues his sublime #CWC19 form 👌 pic.twitter.com/B9HVSifDnN

— Cricket World Cup (@cricketworldcup) June 16, 2019

- પાકિસ્તાને ટોસ જીતી પ્રથમ ફિલ્ડિંગ કરવાનો નિર્ણય લીધો.

Pakistan wins the toss and elect to bowl first against #TeamIndia pic.twitter.com/7XZkwH7YxR

— BCCI (@BCCI) June 16, 2019

વર્લ્ડ કપમાં ભારત સામે ક્યારે નથી જીત્યું પાકિસ્તાન

વર્લ્ડ કપમાં બંને ટીમો 6 વાર આમને-સામે ટકરાઇ છે. તમામ મેચમાં ભારતનો વિજય થયો છે. 

પ્લેઇંગ ઇલેવન

ઇન્ડિયા: વિરાટ કોહલી ( કેપ્ટન), રોહિત શર્મા, કે.એલ.રાહુલ, દિનેશ કાર્તિક/ વિજય શંકર, એમ.એસ.ધોની, હાર્દિક પંડ્યા, કેદાર જાધવ, કુલદીપ યાદવ, યુઝવેન્દ્ર ચહલ, જસપ્રીત બુમરાહ, ભુવનેશ્વર કુમાર 

પાકિસ્તાન: સરફરાઝ અહમદ (કેપ્ટન), ઇમામ અલ હક, ફખર જામાં, બાબર આઝમ, મોહમ્મદ હફીઝ, હૈરિસ સોહૈલ, શોએબ મલિક/ આસિફ અલી/ ઇમાદ વસીમ શાબાદ ખાન, વહાબ રિયાઝ, હસન અલી અને મોહમ્મદ આમિર